07.04.26
“Neftçi” klubunun müdafiəçisi Mahir Şükürov “Xəzər Lənkəran”la bugünkü oyun öncəsi Qol.Az-a müsahibə verib.
- İlk öncə, qısaca millinin Portuqaliyaya böyükhesablı məğlubiyyətinə toxunmaq istərdik. 63 dəqiqə tab gətirdiniz, amma...
- Rəqibimiz dünyanın ən güclülərindən hesab olunur. Heyətlərində kifayət qədər ulduz futbolçular var. Düzdür, bu cür məğlubiyyət olmaya da bilərdi. Ancaq bir məsələ var ki, əgər irəlidə top qalmırsa, müdafiədə üçün çox çətin olur. Nə qədər müdafiə olunmaq olar? Hər şeyə rəğmən uşaqlar sona qədər vuruşdular.
- Bir vitse-kapitan olaraq, necə düşünürsən, ola bilərmi, bütün heyətlə müdafiə olunduğunuz üçün bu cür məğlubiyyət aldınız? Olmazdı ki, Luksemburq millisi kimi hücumda ürəkli oynayaydınız?
- Bunu çoxları deyir. Lakin hər bir oyuna fərqli taktika seçilir. Bu qarşılaşmanın taktiki gedişi daha çox müdafiə olunmaq idi. Razıyam, ikinci hissədə hücuma istənilən kimi qoşula bilmədik. Məncə, fasilədə rəqib oyunumuzu daha yaxşı analiz edərək düzgün taktika seçə bildi. Buna görə də ikinci hissədə hücum qurmağımız, ümumiyyətlə, alınmadı.
- Oyun zamanı komanda yoldaşın Elnur Allahverdiyevlə bir-birinizi çox pis söyüşlərlə təhqir edirdiniz. Bunun səbəbi nə idi?
- Həmin anda bir-birimizə elə də ciddi söyüş söyməmişdik. Elnur ombasından zədələnərək yerə yıxılmışdı və ağrıdan qıvrılırdı. Yardıma gələn həkim isə keyidici iynəni zədəli yerə yox, başqa yerə vururdu. Bu zaman mən də həkimə dedim ki, ağrımayan yerinə niyə dərman vurursan, o biri tərəfə vur. Elnur da elə başa düşdü ki, mən ona deyirəm ki, özünü artistliyə vurub yalandan ağrıma. Ona görə aramızda söyüş oldu. Lakin Elnurla möhkəmdostam və özü də oyundan sonra gələrək məndən üzr istədi.
- İndi isə keçək çempionat oyununa. Bu gün Premyer Liqanın ən maraqlı derbi matçı baş tutacaq. Evdə əzəli rəqibiniz “Xəzər Lənkəran”ı qəbul edəcəksiniz. Bu qarşılaşma haqda nə deyə bilərsən?
- İndidən əminliklə söyləmək olar ki, gərgin, çətin və eyni zamanda maraqlı bir qarşılaşma olacaq. Belə bir matç həm azarkeşlər həm də futbolçular üçün bayram olur. Bugünkü oyunda meydanı qalib tərk etmək istəyirik. Biz bu heyətlə tarix yazmışıq və istəyirik bunun ardını gətirək. Məhz buna görə bugünkü “Xəzər Lənkəran”la oyunda qalib gəlməliyik.
- Bildiyimizə görə, “Qəbələ”dən məhz “Xəzər Lənkəran”a görə ayrılmışdın ki, Lənkəran klubuna keçəsən. Lakin sonda lənkəranlılar səndən imtina etdilər. Bunu nəzərə alsaq, “Xəzər Lənkəran” qarşı daha aqressiv oynayacağını söyləmək olar?
- Mən köhnə söhbətləri yenidən açıb–ağartmaq istəməzdim. Lənkəran klubuna keçidim alınmayıb bu, artıq geridə qalıb. Lakin bugün mən komandamın meydanda qalib gəlməsi üçün əlimdən gələni edəcəyəm. Qələbəmiz üçün lazım gəlsə, aqressivlik də edəcəm.
- Qələbə şanslarınızı necə görürsən. Statistikaya nəzər salsaq, rəqibinizin üstünlüyü var...
- Meydanda nəticəni statistika yox, güc və istək həll edir. “Neftçi” əvvəlki illərə nisbətən daha güclüdür və hazırda üstünlük də bizim tərəfimizdədir. Rəqibin güclü olmasına baxmayaraq, qələbə qazanacağımıza inamım böyükdür.
Əli HƏYATİ
Arne Slotdan etiraf
20 il sonra “Kamp Nou”da
Dünyanın ən yaxşı "tək klublu" futbolçuları kimlərdir?
“Barselona” bir matça görə 10 milyon qazana bilər
Klub futbolçusuna görə yığmanı FİFA-ya şikayət etdi
Çempionşip klubunun apellyasiya şikayəti rədd edildi
"Yuventus" "Liverpul"un qapıçısına göz dikdi
“Cəbrayıl”ın 3 qollu qələbəsindən - Video
AVRO-2032 Türkiyədə keçirilə bilər
Millinin baş məşqçisi istefa verdi
Noyer pley-off tarixinə düşdü
"Arsenal" bu göstəricidə Avropada liderdir
“Ayaks” Avstriya klubu ilə əməkdaşlıq edəcək
Daha az maaşla klubunda qaldı
"Millini çalışdırmaq istəsə, onu dəstəkləyərdim"
“Bakı Sportinq” və “Cəbrayıl” tura qələbə ilə başladı
14 illik həsrət bitdi
Azərbaycan millisinin İspaniyadakı ilk məşqindən - Şəkillər
Matçın ən yaxşısı seçilən 40 yaşlı Noyerdən açıqlama
Daha 4 il üçün federasiya prezidenti seçildi
Növbəti mövsüm ÇL-də İngiltərənin 5 klubu iştirak edəcək
"Barselona" bu hücumçunu satacaq
"Marsel"in baş məşqçisinin evi qarət olundu
"Qarabağ"da iclas keçirildi - Şəkillər
Çempionlar Liqasında rekord qırdı
Avrokubokların oyunlarını yayımlayacaq kanallar
Son 4 mövsümün ən böyük hesabı
Azərbaycan çempionatlarının 21-ci əsrdəki rekordu yeniləndi
Azərbaycandakı amerikalıların 10-cu het-triki
Bəxtiyar Həsənalızadə: “Qələbədən başqa yolumuz yoxdur”
Arbeloa: "Münhendə "Real" qalib gələcək"
65 il sonra qayıtdılar
