16.11.18
“Mahmud Qurbanov nəinki məndən xeyir-dua aldı, heç adi zəng də eləmədi. Müsahibəsinə baxıram, deyir ki, mən Ağasəlim Mircavadovdan məsləhət alacam. Getsin, kimdən məsləhət alır-alsın. Bu, onun öz işidir. Mən buna görə ondan incimirəm. Amma baxmayın, kim olsa, təsir edər. Çünki Mahmud peşəkar futbolda ilk addımlarını mənim rəhbərliyim altında atıb, ilk titullarını mənim rəhbərliyim altında qazanıb. Heç olmasa, yalandan da olsa adımı çəkə bilərdi. Amma etmədi, canı sağ olsun”.
Bu sözləri Qol.Az-a açıqlamasında “Kəpəz”in sabiq baş məşqçisi Mehman Allahverdiyev deyib.
Mahmud Qurbanovun "Kəpəz"ə baş məşqçi təyin olunmasından sonra sabiq məşqçisinə zəng etməməsi, ondan xeyir-dua almaması Allahverdiyevə pis təsir etsə də o, yetirməsinə uğurlar arzulayıb:
“İstənilən halda Mahmuda məşqçilik karyerasında uğurlar arzulayıram. Bunu tam səmimi qəlbdən, ürəkdən deyirəm. Necə məşqçi olacağını deyə bilmərəm. Bu, onun özündən aslıdır. İstəsə Azərbaycanın ən güclü məşqçilərindən ola bilər. Bəziləri deyir futbolu yeni qurtarıb filan, amma elə Qurban Qurbanov da futbolu qurtaran kimi, məşqçiliyə başlamışdı”.
Təcrübəli mütəxəssis Mahmudun ondan incimək ehtimalının olduğunu da istisna etmədi:
“2 il bundan qabaq mən baş məşqçi olanda biz Mahmudu “Kəpəz”ə gətirmək istəyirdik. Sadəcə, son anda alınmadı. Daha doğrusu, Mahmudun istədiyi şəraiti ona yarada bilmədik. Bəlkə də insandı, düşünə bilər ki, o vaxt mən onu komandaya götürmədim və buna görə məndən incisin. Ancaq tanıyanlar da, o vaxt “Kəpəz”də mənimlə işləyən məşqçilər də bilir ki, ilk gündən mənim rəhbərlik qarşısında tələbim bu oldu ki, heç kimi istəmirəm, bircə Mahmudu gətirin. Vidadi Rzyevdən soruşsanız o da sözlərimi təsdiqləyər. Ancaq mən neyləyə bilərdim, maliyyəni verən rəhbərlik idi, mən deyildim axı”.
Messi bu oyunu buraxacaq
Bundesliqada hamını geridə qoydu
Millinin qapıçısından Şahruddinə xüsusi hədiyyə - Şəkil
Hakimi qazandığı kuboklarla zirvəyə yüksəldi
Arda Güler yenə fərqlənməyi bacardı
"Dua edirdim ki, ciddi bir şey olmasın"
"Bayer" baş məşqçi böhranı ilə üzləşir
Konate "Liverpul"dan getdi
Əlcəzairin DÇ-2026 heyətində kimlər var?
ÇL-də həftənin rəmzi komandası açıqlandı
Çempionlar Liqasında mövsümün ən yaxşı oyunçusu bilindi
Uruqvay millisinin DÇ-2026 üçün heyəti açıqlandı
"Neftçi"dən təklif alanda çox sevindim" - İqor Ribeyro
"Arsenal" yeni qapıçı hədəfə aldı
"Şamaxı" onu da göndərdi
"Zirə" 5 futbolçu ilə yollarını ayırdı
Yığmamız Qazaxıstanla qarşılaşacaq
Azərbaycan millisinin növbəti məşqindən - Şəkillər
Enrike ilə bağlı qərar verildi
