16.11.18
«Bu gün ilk hissədə komandamızın oyunu o qədər də alınmadı. İkinci hissədə hücuma atıldıq, bir neçə qol imkanımız oldu. Amma nə Nizami Hacıyev, nə də İlia Kandelaki bu fürsətdən yararlana bildilər».
Qol.Az-ın məlumatına görə, bu sözləri «İnter»in baş məşqçisi Kaxaber Sxadadze bu gün Yunanıstan «Asteras»ına qarşı keçirilən Avropa Liqasının ikinci təsnifat mərhələsinin ilk oyunundan (1:1) sonra deyib.
O qeyd edib ki, futbolçularında qol vurmaq üçün inam çatışmayıb: «Komandamız hesabda irəlidə olsa da, heç nədən qol buraxdı. Bundan sonra futbolçular elə bil ruhdan düşdü. Bu gün xüsusilə hücümda çatışmazlıqlar oldu».
Gürcüstanlı mütəxəssis deyib ki, oyunu pleymeykerin üzərində qurmamışdılar: «Əsasən cinahlardan istifadə etməyə çalışırdıq. Amma Asif Məmmədov çox passiv idi. Ona görə də bu futbolçunu əvəzlədim, onun mövqeyində Adamiyanı oynatdım. İkinci hissədə Nizami Hacıyevi meydana buraxdıqdan sonra oyunda bərabərlik yarandı».
Sxadadze hakimliklə bağlı sualı da cavablandırıb: «Hakim daha çox bizim qapımıza cərimə zərbələri təyin edirdi. O, obyektiv oyun idarə etmədi».
Növbəti görüş haqda fikirlərini bildirən Sxadadze deyib: «Məncə, bu gün taktiki səhvlərimiz olmadı. Dediyim kimi, futbolçularımızda inamsızlıq vardı ki, növbəti görüşdə bunu aradan qaldırmalıyıq».
Ruslan Əmircanovla bağlı suala isə gürcü məşqçinin cavabı belə olub: «Ruslan potensialı çox olan oyunçudur. Ancaq deyərdim ki, bizim ondan tam olaraq nə istədiyimizi hələ başa düşmür. Bəzi ötürmələrdə səhvə yol verdi. Baxmarayaq ki, qolun ötürməsini o vermişdi».
_22.01.19.jpg)
Arda Güler üzr istədi
"Bavariya"da itki
Maradonaya şərik çıxdı
"Barselona"nın futbolçusu əməliyyat olundu
İsveç - Azərbaycan oyunu üçün - Heyətlər
"Jirona"da yeni müqavilə
"Neftçi"nin futbolçusu millidə dubl etdi
Buffon: "Neymar 5 "Qızıl Top"u qazanmağa layiqdir"
"Real" Aleksander-Arnoldu almayacaq
Patrik Vieyra bu klubu çalışdıracaq
Xabi Alonso qərarı nə vaxt verəcək?
