16.11.18
Qol.Az-ın yazarı Anar Xanlarovun "Budurmu, "Neftçi"nin peşəkarlığı?" yazısı ilə bağlı klubun mətbuat xidmətinin əməkdaşı Gündüz Abbaszadədən saytımıza məktub ünvanlanıb. Həmin məktubu dərc edirik:
"Sadıq Sadıqovun “Neftçi”yə gəlişindən sonra klubda görülən işlər, əldə olunmuş nəticələr, aparılan strategiya göz qabağındadır. Əsasən yerli futbolçulara güvənən “Neftçi”də oyunçulara göstərilən diqqət və qayğıdan bir daha danışmaq yersiz olardı. Məncə belə bir klubun şərəfini qorumaq, ağ-qara formanı geymək hər bir azərbaycanlı futbolçunun arzusudur. Bir vaxtlar “Neftçi”də çıxış etmiş “Qarabağ” klubunun futbolçusu Rəşad Sadiqovun yenidən doğma komandası ilə razılığa gəlməsi məlumunuzdur. Təxmin etdiyim kimi bu xəbər mətbuatımızın köşələrinə tezliklə yayıldı.
Elə ilk olaraq futbolçu özü "Neftçi" ilə razılığa gəlməsi barədə açıqlama verdi. Təbii ki, “Neftçi” də öz növbəsində ilkin razılığın əldə olunmasını təsdiqlədi. Təssüf doğuran məqam isə odur ki, qələminə və şəxsiyyətinə hörmətlə yanaşdığım həmkarlarımdan Anar Xanlarov məsələyə emosional yanaşaraq “Neftçi”ni qeyri peşəkar addım atmaqda suçladı. Hörmətli həmkarımın diqqətinə çatdırmaq istəyirəm ki, FİFA-nın qaydalarına əsasən istənilən futbolçu transfer müddətinin bitməsinə 6 ay qalmış digər bir klubla danışıqlara başlaya, 3 ay sonra isə ilkin razılığa gələ və müqavilə imzalaya bilər. Yəni yazılan qaydalar “Neftçi”nin tam peşəkar və qaydalar çərçivəsində addım atdığını bir daha təsdiqləyir.
O ki, qaldı məsələnin mənəvi tərəfinə Rəşad Sadiqov özü də mətbuata açıqlamasında “Qarabağ” rəhbərliyi və baş məşqçi Qurban Qurbanovla heç bir problemin olmadığını, keçidi haqda Qurban Qurbanovu məlumatlandırdığını deyib. Baş məşqçi də açıqlamasında Rəşadla normal şəkildə ayrıldıqlarını, onu qovmadığını etiraf edib. Qurban Qurbanov bunu peşəkar qaydada atılmış addım kimi qiymətləndirib.
Qarabağ hamımızın yaralı yeridir, mən daxil, “Qarabağ”ın zəfərlərinə sevinməyən Azərbaycan vətəndaşı yəqin ki yoxdur. Bu adın ətrafında hamımız həmrəyik. İş peşəkarlığa gələndə isə hisslərlə davranmaq yanlışlığa gətirib çıxarır. Bu azarkeş yanaşmasına bənzəyir. Bəli fanatlar hansısa futbolçunun komandasını dəyişməsini qınaya, buna etiraz edə bilər. Amma kimisə qeyri-peşəkarlıqda suçlayan peşəkar jurnalist yazısında faktlara söykənməyə borcludur. Hər halda jurnalistikadan xəbərimiz var və bilirik ki, peşə etikamız bunu tələb edir".
Hakim azarkeşə qırmızı vərəqə göstərdi
"Messi dünyanın ən yaxşı oyunçusu olaraq qalacaq"
"Beşiktaş"ın futbolçularından xoş xəbərlər var
Paratiçi yenidən "Tottenhem"dən gedir
Salah 19 yaşlı futbolçu ilə əvəzlənə bilər
Martinelli her-trik etdi, "Arsenal" qalib gəldi
Qara Qarayev milliyə təyinat aldı
"Ayaks" autsayderə qarşı çətin qələbə qazandı
İtaliya nəhəngləri oyunçularını dəyişir?
"Real"ın futbolçusu üçün 180 milyonluq təklif var
Güləş üzrə Azərbaycan çempionatına yekun vuruldu - Şəkillər
Milli hakimin qərarlarından narazıdır, CAF-a şikayət edəcək
Amorimə görə "Roma"ya transferi baş tutmadı
"Sabah" 3 dəqiqədə 2 qol vurdu, qələbə qazandı
"Əl-İttihad" 38 yaşlı futbolçusunu buraxmaq istəmir
"Qarabağ"ın rəqibinin gənc futbolçusu sıradan çıxdı
Reşford üçün Ciddədə görüş
“Qarabağ”ın akademiyasından əsas komandaya növbəti addım
600 gündən sonra “Mançester Siti”də qol vurdu
Karvaxal: "Klub da mənimlə eyni fikirdədir"
"Roma"nın kapitanı qərarını verdi
Flik final "El-Klassiko"su haqda
Enrike PSJ-dən ayrıla bilər
Qurban Qurbanov 15 yaşlı Əlini əsas komandaya çağırdı
