29.05.26
“Xəzər Lənkəran” klubunun vitse-prezidenti Tuyqun Nadirovun Qol.Az saytına müsahibəsi
- Ölkə kubokunun 1/4 final mərhələsində “Xəzər Lənkəran” mübarizəni dayandırdı. Bunu komandanız üçün ciddi uğursuzluq kimi dəyərləndirmək olar?
- Komandanın qarşısına kuboku qazanmaq vəzifəsi qoyulmuşdu. Lakin təəssüf ki, buna nail ola bilmədik. “İnter”lə “Şəfa” stadionunda ilk qarşılaşmada hesabda irəlidə olsaq da, sonradan uduzduq. Təkrar qarşılaşma ərəfəsində bəzi futbolçularımızın yersiz olaraq zədə alması və digər məsələlər ona gətirib çıxardı ki, kubokdan kənarda qaldıq. Lakin buna baxmayaraq, bütün gücümüzü çempionat oyunlarına sərf edərək əlimizdən gələni edəcəyik.
- Dünən klubunuzun prezidenti Mais Mənsimov futbolçularla görüşdü. Görüşdə nələr müzakirə olundu?
- Bəli, prezidentimiz Mais Mənsimov komandayala birgə şam yeməyində oldu. O, komandaya ürək-dirək verərək, psixoloji dəstək oldu. Çünki bizi Premyer Liqada çətin oyunlar gözləyir. Mais müəllimin bu addımı komandada ruh yüksəkliyini artırmaq üçün idi.
- Çempionatın gərgin bir vaxtında baş məşqçi dəyişikliyinə ehtiyac vardımı?
- Biz Cüneyt Biçəri istefaya göndərməmişik. Məşqçi özü getmək qərarına gəldi. Buna baxmayaraq, hazırda bizim uşaq futbol akademiyasında çalışır. Özü əvvəlki vəzifəsinə geri qayıtmaq istəyib. Onun bir neçə dəfə bunu bizdən xahiş etməsindən sonra istəyini qəbul etmişik.
- Cüneyt Biçər bildirib ki, qələbə qazanmalarına baxmayaraq, ondan narazılıqlar olub.
- Mən də eşitmişdim ki, “İnter”lə oyundan sonra 3-5 azarkeş avtobusun qarşısında Bicərin ünvanına istefa şüarları səsləndiriblər. Lakin bunu bütün azarkeşlər adından demək olmaz. Avropada klubların oyununu 50-60 min adam izləyir. Hər kəsin sözüylə klub idarə olunmur ki.
- Sizcə, Yunis Hüseynov hazırkı “Xəzər Lənkəran”ı Avrokuboklara çıxara biləcək?
- Bizim Yunis müəllimə çox böyük ümidlərimiz var. Klubun seçim edərkən onun üzərində dayanması və iki illik müqavilə imzalaması bundan xəbər verir. İnanırıq ki, o, ən yaxın zamanda maksimal nəticəyə imza atacaq.
- Yunis Hüseynovun rəhbərliyi altında komandanın “Neftçi”ni məğlub edə bilməməsi, kubokdan ayrı qalması bəzi azarkeşlərinizin etirazına səbəb olub. Hətta oyunlardan birində Hüseynovun istefası da tələb olundu. Baxmayaraq ki, həmin gün o, “Xəzər Lənkəran”da ilk oyununa çıxırdı.
- Yunis Hüseynovdan heç kimin narazı olmağa haqqı yoxdur. Yunis müəllim “Neftçi”ylə qarşılaşmada nə cür heyət, komanda qurmaq bacarığını göstərdi. Həmin görüşdə “Xəzər Lənkəran” rəqib meydançasında gözəl oyun nümayiş etdirdi.
- Komandanız hazırda 45 xalla turnir cədvəlinin 4-cü pilləsində qərarlaşıb. Avrokuboklara vəsiqə qazanmaq şanslarınızı nə dərəcədə görürsünüz?
- Düzdü, ilk “altılıq”da zəif komanda yoxdur. Lakin unutmaq olmaz ki, bizimlə yanaşı “Neftçi”nin, “Qarabağ”ın, “İnter”in, “Qəbələ”nin də ağır oyunları var. Qarşıda hələ yeddi matç bizi gözləyir. Heç kim nə olacağını indidən söyləyə bilməz. Şansa gəldikdə isə onu “Xəzər Lənkəran”nın qarşıdakı çıxışları göstərəcək. Bunun üçün rəhbərlik tərəfindən komandaya hər cür şərait yaratmışıq.
Əli HƏYATİ
Hökumətdən sərt addım - DÇ-2026 matçlarını izləməyəcəklər
"Şamaxı"da baş məşqçinin köməkçiləri müəyyənləşdi
Rosenior Fransadan gələn təklifi rədd etdi
Prezident milliyə müraciət etdi
"Elçe" yeni baş məşqçisini açıqladı
Premyer Liqada saç çəkməyə görə cəza qaydası dəyişir
"Ançelottinin bütün sirlərini bilirəm"
Yuri Vernidubdan mundial proqnozları: "Fransa yığması.."
İngiltərə yığmasının oğurlanan əşyalarından xəbər var
Dünya çempionatları tarixinə düşdü
4 ildən sonra klubdan getdi
Millinin qapıçılarından fərqli məşq üsulu
"Real"ın əfsanələri "İnter"i məğlub etdi
Bu dəfə mundial hakimi ilk matçını buraxacaq
"Mançester Yunayted" onları hədəfə aldı
Dünya çempionu vəfat etdi
Levandovski MLS klubu üçün ABŞ-a yollandı
Artetanın Yıldız xəyalı
Artıq o da ABŞ-dadır - Video
DÇ-2026-nın ilk ən bolqollu qarşılaşması - Video
"Şəfa"dan Tərlan Quliyev qərarı
Məşhurlar DÇ-2026 oyununda - Şəkillər
Pulişiç Ronaldonu geridə qoydu
“24 ildir gözlədiyimiz oyundur” - Montella
Mbappe: "Kante karyerasını 64 yaşında da bitirə bilər"
ABŞ millisi 96 il sonra ilk dəfə...
Dubl etdi, matçın ən yaxşısı oldu
Ançelotti Mərakeşi təriflədi - “Möhtəşəm oyun olacaq”
Koreya millisinin qapıçısından duyğusal açıqlama
İngiltərə millisi xoşagəlməz hadisə ilə üzləşdi
Kone oyunun ən yaxşısı seçildi - DÇ-2026
Kanada millisi ilkə imza atdı
Kanada məğlubiyyətdən qaçdı - DÇ-2026
Dünya Çempionatı 2026
Xəbərlər
Təqvim
Cədvəl