07.04.26
Bakının “İnter” klubunun gürcüstanlı müdafiəçisi İlia Kandelaki Unibank Premyer Liqasının 21-ci turunda “Sumqayıt”a 2:0 hesabı ilə qalib gəldikləri oyunla bağlı Qol.Az-ın suallarını cavablandırıb
- Doğma meydanda debütant “Sumqayıt” komandasını 2:0 hesabıyla məğlub etdiniz. Bu oyun haqda fikirlərini öyrənmək istərdim.
- Baxmayaraq ki, rəqib komanda gənclərdən təşkil olunmuşdu, meydanda sona qədər mübarizə aparırdılar. Məncə, pis təsir bağışlamadılar. Lakin ümumilikdə biz onlardan çox güclü idik. Yəni səviyyə fərqi özünü göstərdi.
- Baçana Sxadadze hesabı açdıqdan bir dəqiqə sonra komanda yoldaşın Arif Daşdəmirov qırmızı vərəqə aldı. Səncə, hakim verdiyi qərarda haqlı idi?
- Əslində bir futbolçu kimi hakimlər haqda danışmağım düzgün çıxmır. Həmin epizoda hakim daha yaxın idi. Ona görə də hakimin Arif Daşdəmirovu meydandan haqlı olaraq uzaqlaşdırıb-uzaqlaşdırmadığını deyə bilmərəm. Əgər oyunun baş hakimi belə qərar veribsə, deməli, doğrudur.
- Meydanda azlıqda qaldıqdan sonra qələbəni əldən verə biləcəyinizi düşündünmü?
- Biz bu oyuna üç xal üçün çıxmışdıq. Ona görə də nəyin bahasına olursa-olsun, qələbə qazanmalıydıq. Lakin hər komanda azlıqda qaldıqdan sonra daha bir qol vuraraq qələbə qazanmağı bacarmır. Arif meydandan qovulduqdan sonra, hesabı qorumağa çalışırdıq. Buna baxmayaraq, ikinci qolu da rəqib qapısından keçirməyə müəssər olduq. Məncə, komanda yoldaşlarım azlıqda qalanda təşvişə düşmədi. Əksinə daha inadkar mübarizə aparmağa başladıq.
- Baş məşqçiniz Kaxaber Sxadadze dedi ki, komanda azlıqda qaldıqdan sonra oyunu itirəcəyindən ehtiyat edib.
- Onu anlamaq olar. Çünki bir çox oyunda belə hadisələrin şahidi olmuşuq. Məncə, psixoloji təsir altına düşməməyimizə hesabda irəlidə olmağımız səbəb oldu. Həm də, “İnter” döyüşkən bir komanda olduğundan çətinliyin öhdəsindən gəlməyi bacardı.
- Unibank Premyer Liqasında növbəti qarşılaşmanız “Bakı”ya qarşı olacaq. Bu oyunda qələbə qazanmaq şanslarınız nə dərəcədədir?
- Əvvəla, “Bakı”yla oyuna xeyli vaxt var. Ona görə də həmin oyuna daha yaxşı hazırlaşacağıq. Baxmayaraq ki, “Bakı” öz meydanında “Qarabağ”a böyükhesabla məğlub oldu, bizi çətin qarşılaşma gözləyəcəyini deyə bilərəm.
Əli HƏYATİ
14 illik həsrət bitdi
65 il sonra qayıtdılar
“Liverpul” "təmizləmə" işləri aparacaq
Mirça Luçesku vəfat etdi
Bu dəfə planşeti Ayxan Abbasov qırdı - Video
"Əgər qərar verirsənsə, VAR-a baxmalısan"
Azərbaycan millisindən ardıcıl ikinci qələbə
Misli Premyer Liqasında 26-cı tur yekunlaşdı
“Beşiktaş”ın futbolçusu sıradan çıxdı
Luçesku əməliyyat oluna bilməyəcək
Qırmızı vərəqə, "Zirə"nin qaçırdığı penalti - Video
"4-5 top fərqi ilə udacağımız oyunda heç-heçə etdik"
"Turan Tovuz"un xal itkisi - Video
"Zirə" kimi komandadan xal qazanmaq uğurdur" - Ayxan Abbasov
2-ci liqada liderlər böyükhesablı qələbə qazandılar
“Araz-Naxçıvan” - “Sabah”: Heyətlər
"Turan Tovuz" doğma stadionuna qayıdır
