07.04.26
“Rəvan” klubunun vitse-prezidenti Bəhruz Şirəliyevin Qol.Az saytına müsahibəsi
- Komandanız hazırda Unibank Premyer Liqasında turnir cədvəlinin doqquzuncu pilləsində qərarlaşıb. Yəqin ki, bu göstərici sizi qane etmir.
- Əlbəttə, bunu qənaətbəxş hesab etmirəm. Çünki biz daha yüksək pillələrdə qərarlaşmaq istəyirik. Böyük məqsədlərə çatmaq üçün daha irəliyə getməliyik.
- Amma ilk «altılığa» düşmək şansınız yüksəkdir. Hər halda altıncı sırada qərarlaşan “Qəbələ” komandasıyla aranızda cəmi üç xal fərq var.
- Elədir. Nəzərə alsaq ki,bizim qarşıda AZAL və “Qəbələ” ilə oyunlarımız var. Bundan əlavə daha dörd oyunumuz olacaq. Bu mənada, “altılğq”a düşmək şanslarımızın yetərincədir. Çalışacağıq ki, növbəti oyunlara ciddi hazırlaşaraq, sərfəli nəticə qazanaq.
- Sizcə, qış fasiləsinə qədər “Rəvan” “altılığ”a düşə bilərmi?
- Əslində komandanın fikri budur ki, növbəti iki görüşdə yaxşı nəticə qazanıb, yerini dəyişsin. Ən azı altıncı pilləyə bir qədər də yaxınlaşsın. Bunun üçün hər iki qarşılaşmada qələbə qazanmaq naminə əlimizdən gələni etməliyik.
- Qış transfer pəncərəsində komandanıza yeni futbolçu cəlb etmək fikriniz varmı?
- Bəli. Həm yerli, həm də əcnəbi futbolçularla klubun gücünü daha da artırmaq istəyirik. Transferlərdə daha çox yerli futbolçular çoxluq təşkil edəcək. Əcnəbi oyunçulardan yalnız birinin transferi nəzərdə tutulub.
- Legioner futbolçunun hansı mövqe üçün almaq nəzərdə tutulub?
- Daha çox hücum xəttini gücləndirmək üçün bunu həyata keçirmək istəyirik.
- Klubun baş məşqçi postuna Vladislav Qədirovun gətirilməsindən sonra “Rəvan”ın oyununda bir qədər dəyişiklik nəzərə çarpdı. Bu dəyişikliyi daha tez emək mümkün idi?
- Bilirsiniz, baş məşqçiyə bir qədər vaxt vermək lazımdır. Biz məşqçini 6-cı turdan sonra dəyişmək qərarına gəldik. Bunu daha tez etmək düzgün olmazdı. Çünki Bəhmən Həsənova da şans vermək lazım idi.
- Sözlərinizdən belə çıxır ki, Vladislav Qədirovun işi hazırda sizi qane edir?
- Bəli, onun baş məşqçi postuna gəlişindən sonra komanda yaxşı nəticələr göstərməyə başladı.
- Qış fasiləsində komandada islahatlar gözlənilir?
- Bu barədə Vladislav Qədirovla hələ söhbətimiz olmayıb. Ancaq, heyətdə ciddi islahatlar aparılacağını düşünmürəm. Çünki klub normal heyətə malikdir. Ola bilər, 2-3 futbolçu klubdan kənarlaşdırılsın və yeniləriylə əvəz olunsun. Lakin elə böyük dəyişiklər olmayacaq.
- “Rəvan”ın “altılıq”a düşərək Avroliqaya vəsiqə qazanmaq şanslarını necə dəyərləndirirsiniz?
- Klubumuzun bu yöndə çox potensiallı olduğunu hesab edirəm. Komandanın uğur qazanmasına yetərincə gücü olduğunu düşünürəm.
- Ancaq nədənsə son görüşlərdə “Rəvan” uğursuz çıxış edir.
- Futbolda daim qalib gəlmək olmur. Biz özümüz də “Kəpəz”lə qarşılaşmada komandadan qələbə gözləyirdik. Lakin istəyimizin tam əksi oldu. Ola bilər, futbolçular həmin oyuna yaxşı köklənməmişdilər və ya məşqçinin tapşırıqlarını yaxşı yerinə yetirə bilmədilər. Bir sözlə, belə şeylər hərdən qaçılmaz olur.
Əli HƏYATİ
14 illik həsrət bitdi
65 il sonra qayıtdılar
“Liverpul” "təmizləmə" işləri aparacaq
Mirça Luçesku vəfat etdi
Bu dəfə planşeti Ayxan Abbasov qırdı - Video
"Əgər qərar verirsənsə, VAR-a baxmalısan"
Azərbaycan millisindən ardıcıl ikinci qələbə
Misli Premyer Liqasında 26-cı tur yekunlaşdı
“Beşiktaş”ın futbolçusu sıradan çıxdı
Luçesku əməliyyat oluna bilməyəcək
Qırmızı vərəqə, "Zirə"nin qaçırdığı penalti - Video
"4-5 top fərqi ilə udacağımız oyunda heç-heçə etdik"
"Turan Tovuz"un xal itkisi - Video
"Zirə" kimi komandadan xal qazanmaq uğurdur" - Ayxan Abbasov
2-ci liqada liderlər böyükhesablı qələbə qazandılar
“Araz-Naxçıvan” - “Sabah”: Heyətlər
"Turan Tovuz" doğma stadionuna qayıdır
"Çox vacib xallar itirdik" - Kurban Berdiyev
Antonio Valensiya futbola qayıtdı
"Zirə" - "Şamaxı": Heyətlər açıqlandı
"Real" yeni mövsüm üçün ilk transferini etdi
Məşhur futbolçu karyerasını bitirdi
Konte iddialara cavab verdi
“İmişli” - “Turan Tovuz”: Heyətlər
"Çətinliyə baxmayaraq, mübarizə aparmalıyıq"
Maquayrla yeni müqavilə imzalandı
