07.04.26
Peşəkar Futbol Liqasının prezidenti Ramin Musayevin Qol.Az saytına müsahibəsi
- “Simurq” klubunun baş məşqçisi Sergey Yuran komandasının ölkə kubokunun 1/8 final mərhələsində “Neftçi” ilə matçına hakim təyinatı ilə bağlı PFL-ə müraciət edib. Yuran bu oyuna daha təcrübəli və işini bilən hakimin göndərilməsini istəyib.
- Bizim “Simurq” klubunun baş məşqçisinə böyük hörmətimiz var. O gözəl insan və gözəl məşqçidir. Peşəkar Futbol Liqasının vəzifə borcudur ki, çempionat oyunlarında haqsızlıq olmasın. İstər hakimlər, istərsə də klublar tərəfindən. Sağ olsun, bir insan kimi xahiş edir. Amma o xahiş etdi-etmədi, bu, bizim vəzifə borcumuzdur. Biz xahişsiz də bunu etməliyik.
- Dekabrın 5-dən 8-dək milli komandamızın Bakıda seleksiya xarakterli toplanışı baş tutacaq. Çempionatın gərgin bir vaxtında belə toplanışların olması klubların narazıçılığına səbəb olur...
- Baş məşqçi bunu milli komandanın inkişafı üçün edir. Biz milli komandaya görə nə lazımdırsa etməliyik. Buna icazə verməsək, sonra da yazacaqsınız ki, millini istəmirlər. Biz bu toplanışa etiraz edə bilmərik.
- Ola bilərmi ki, gələn ildən etibarən bu tipli toplanışların sayı azaldılsın? Çünki dediyim kimi klublardan narazılıqlar çoxdur.
- Klublar bir tərəfdən, Foqts da tərəfdən narazılıq edir. Ümumi razılığa gəlmək lazımdır. Yenə deyirəm ki, biz çempionatı milli komanda naminə keçiririk. Hər halda Foqts da bu toplanışı özü üçün keçirmir. O da istəyir ki, milli uğurlu çıxışlar etsin.
- Baş məşqçidən söz düşmüşkən, bu yaxınlarda İcraiyyə Komitəsi alman mütəxəssisin millidə qalıb-qalmaması ilə bağlı qərar çıxaracaq. PFL də klublar səviyyəsində komitədə təmsil olunur. Siz özünüz Foqtsun millidə qalması ilə bağlı nə düşünürsünüz?
- Əgər AFFA rəhbərliyi Berti Foqtsun qalmağını istəyəcəksə, biz də iki əlli razılaşacağıq.
- “Qarabağ”ın baş məşqçisi Qurban Qurbanovun adı milli komandanın baş məşqçisi vəzifəsinə namizədlər sırasında çəkilir. Onun millimizə rəhbərlik etməsi nə dərəcədə realdır?
- Qurban Qurbanov Azərbaycan futbolunda həm futbolçu, həm də məşqçi kimi sözünü deyib. Qurbanı kim pisləyir ki? Onu hamı tərifləyir. Azərbaycan futbolunda yeganə Qurban Qurbanovdur ki, cənab prezidentimiz ona şəxsən zəng edib, təbriklərini çatdırıb. Sadəcə burda bir sıra başqa amillər var ki, AFFA rəhbərliyi belə fikirləşir. Biz Qurbanı heç də onun azarkeşlərindən, tərəfdarlarından az istəmirik. Hamının ona böyük hörməti və inamı var. Unutmayın ki, Qurban Qurbanovu ilk dəfə məşqçi vəzifəsinə məhz Rövnəq Abdullayev təyin edib. Rövnəq müəllim futbolçu karyerasını başa vuran gənc birisini “Neftçi” kimi komandaya baş məşqçi vəzifəsinə gətirdi . Deməli, hələlik belə məsləhətdi.
Ümid AYXAN
14 illik həsrət bitdi
65 il sonra qayıtdılar
“Liverpul” "təmizləmə" işləri aparacaq
Mirça Luçesku vəfat etdi
Bu dəfə planşeti Ayxan Abbasov qırdı - Video
"Əgər qərar verirsənsə, VAR-a baxmalısan"
Azərbaycan millisindən ardıcıl ikinci qələbə
Misli Premyer Liqasında 26-cı tur yekunlaşdı
“Beşiktaş”ın futbolçusu sıradan çıxdı
Luçesku əməliyyat oluna bilməyəcək
Qırmızı vərəqə, "Zirə"nin qaçırdığı penalti - Video
"4-5 top fərqi ilə udacağımız oyunda heç-heçə etdik"
"Turan Tovuz"un xal itkisi - Video
"Zirə" kimi komandadan xal qazanmaq uğurdur" - Ayxan Abbasov
2-ci liqada liderlər böyükhesablı qələbə qazandılar
“Araz-Naxçıvan” - “Sabah”: Heyətlər
"Turan Tovuz" doğma stadionuna qayıdır
"Çox vacib xallar itirdik" - Kurban Berdiyev
Antonio Valensiya futbola qayıtdı
"Zirə" - "Şamaxı": Heyətlər açıqlandı
"Real" yeni mövsüm üçün ilk transferini etdi
Məşhur futbolçu karyerasını bitirdi
Konte iddialara cavab verdi
“İmişli” - “Turan Tovuz”: Heyətlər
"Çətinliyə baxmayaraq, mübarizə aparmalıyıq"
Maquayrla yeni müqavilə imzalandı
