Milli komandamızın sabiq baş məşqçisi Şahin Diniyevin Qol.Az saytına müsahibəsi
- Həftəsonu ölkə çempionatının növbəti turunun oyunları keçirildi. Matçları izləyə bildinizmi?
- Neçə gündür ölkədən kənarda idim. Oyunların nəticələrindən xəbərim yoxdur. Açığı, çempionat oyunları ilə mütəmadi olaraq maraqlana bilmirəm. Bu səbəbdən sualınıza cavab verə bilməyəcəm.
- Premyer Liqamızda son günlər bir neçə baş məşqçi istefaları reallaşdı. Şahin Diniyev isə hələ də işsizdir. Niyə indiyədək yerli, təcrübəli bir baş məşqçi kimi sizinlə maraqlanan olmayıb?
- Vallah, bu sualı gərək mənə verməyəsiniz. Klub rəhbərləri özləri bu suala cavab versələr, daha yaxşı olar.
- Bu, klub rəhbərlərinin sizə olan inamsızlığından irəli gəlir, yoxsa son anda ortaq məxrəcə gələ bilmirsiniz?
- Mən heç bir klub rəhbərləri ilə pis münasibətdə deyiləm. Yəqin ki, klublar özlərinə tamam başqa istiqamət seçiblər. Həmin istiqamət üzrə də irəliləyirlər. İndiki məqamda kimdənsə inciməyin, yaxud nəsə ummağın heç yeri deyil. Mən onlara yalnız uğurlar arzu edə bilərəm. Futbolda hər bir məşqçinin ağlı və qaralı günləri olur. Hər kəsin öz vaxtı var. Mən hardasa çalışdım ki, sizin suala diplomatik cavab verim. Çünki bu sualın cavabı heç özümdə də yoxdur.
- Hər halda yəqin ki, Şahin Diniyevə yerli klublardan dəvət gəlsə, bu barədə düşünəcək...
- Mənim elə xarakterim var ki, heç kimə özümü sıramaq fikrində deyiləm. Reklamla heç zaman məşğul olmamışam. Hər hansı bir klubla müqavilə bağladıqsan sonra çıxıb bunu hər kəsə bildirirəm. Yoxsa ki, əvvəlcədən danışmaq bir az düz deyil. Danışırıq ki, filan klubda işləyəcəm, belə olacaq, elə olacaq, aмma sonda səsimiz Biləcəridən gəlir. Hər şeye real yanaşmaq lazımdır. Bu işlərdə biz seçmirik, bizi seçirlər.
- DÇ-2014-də milli komandamızın keçirəcəyi oyunların təqvimi bəlli oldu. Təqvimi necə dəyərləndirirsiniz?
- Milli komandanın təqvimini baş məşqçi təyin edir. Baş məşqçi özü hamıdan yaxşı bilir ki, yığma komanda nə zaman oynasa, daha yaxşı ola bilər. Bununla belə, dörd oyun dalbadal millimizin səfər qarşılaşmasına çıxması onlara psixoloji cəhətdən mənfi təsir göstərə bilər. Bəlkə də Foqts əksini düşünür. Alman mütəxəssis fikirləşir ki, millinin oyunçuları arxa-arxaya səfər oyunlarına çıxsalar, daha məsuliyyətli olarlar.
- Milli komandamızın qrupdakı hansı komandalardan xal alması real görünür?
- Hazırda bizim milli komandanın stabil gücü yoxdur. Yığma komanda üçün motivasiya çox önəmlidir. Ola bilər ki, millimiz Lüksemburq kimi komandaya məğlub olsun. Amma gedib səfərdə Portuqaliyadan xal alsın. Bu səbəbdən hesab edirəm ki, millinin oyunlarına proqnoz verməyin özü axmaqlıdır. Yenə deyirəm, komandamızın sabit oyunu yoxdur.
- Millinin baş məşqçisi Berti Foqts dekabrın 5-dən 8-dək Bakıda seleksiya xarakterli təlim-məşq toplanışı keçirəcək. Alman mütəxəssis həmin toplanışa “Terek” klubunun yetirməsi İsmayıl Ediyev adlı çeçen futbolçuya dəvət göndərib. Düşündük ki, həmin futbolçunu siz tanıyarsınız...
- İsmayıl Ediyev mənim tələbəm olub. “Terek”in əvəzedici heyətində çıxış edirdi. Sonradan mənimlə birgə əsas komandaya yollandı. Əsas komandada onun mövqeyində daha güclü futbolçular vardı. Belə deyim, İsmayıl həmin oyunçularla rəqabət apara bilmədi. Ampluaca mərkəz müdafiəçisidir. Son bir ildə onun hansı durumda olmasından xəbərsizəm. Uzaqdan yaxşı zərbələri var. Başla da pis oynamır. Pis oyunçu deyil. Sadəcə milli komandamıza nə qədər fayda verəcək deyə bilmərəm. Yəqin Foqts fikirləşir ki, Ediyev onun istədiyi futbolu nümayiş etdirə biləcək. Amma deyim ki, Ediyev bizim yerli oyunçulardan 3-4 qat üstün müdafiəçi deyil.
Ümid AYXAN
Deyli Blindlə yeni müqavilə imzalandı
"Zaqatala" - "İrəvan" oyununda vurulan qollar - Video
Fransa Superkuboku bu ölkədə keçiriləcək
Azərbaycanın U-21 millisi üçün yeni rəqib
"Karvan" "Mingəçevir"i belə məğlub etdi - Video
Zədə səbəbindən Avro-2024-ü buraxacaq
"Zaqatala" və "Karvan"dan qələbə
Ayxan Abbasov Niderlandda - Şəkillər
Azərbaycan güləşçisi karyerasını başa vurdu
FİFA-nın baş katibi müəyyənləşdi
2-ci liqada mövsümün son turunun oyunlarının vaxtı açıqlandı
Mbappe bugünkü oyunu buraxacaq
"Cəbrayıl" "Şəmkir"ə belə qalib gəldi - Video
AFFA bu klublara lisenziya verdi
Azərbaycan idmanı tarixində güləş
FİFA dünya çempionatı ilə bağlı qərarını açıqladı
"Jirona" Çempionlar Liqasına buraxılmaya bilər
Rahid Əmirquliyevdən gözəl qol - Video
Tovuzda master-klass
Ançelotti Arda Güleri təriflədi
Levandovskiyə "Qızıl top" mükafatı verilə bilər
Mirzov “Neftçi”dən ayrılır? – Menecerindən açıqlama
Ançelotti: "Bu, karyeramın ən yaxşı mövsümüdür"
Azərbaycan çempionatında mövsümün rekordu
38 yaşlı Milnerin müqaviləsi uzadıldı
Ardanın La Liqadakı 4-cü qolu - Video
41 il sonra yenidən ÇL-də
Arda Gülerdən növbəti qol, "Real"dan darmadağın
"Mançester Siti" liderliyə yüksəldi
Ronaldo "Əl-Nəsr"lə müqaviləni uzada bilər
Minifutbol üzrə Azərbaycan çempionatının qalibi müəyyənləşdi
"Füzuli"nin hücumçusu 1 oyunda 7 qol vurdu - Video
"Real" Ardaya görə Modriçlə müqaviləni uzatmayacaq
"Bakı Sportinq"in çempionluq oyunu - Video
PSJ-dən Kvaratsxeliya üçün 80 milyon avro
“Barselona” 7 illik müqavilə bağladığı futbolçunu satır
Jirunun yeni klubu rəsmən açıqlandı
2-ci liqanın qalibi müəyyənləşdi
Azərbaycan çempionatında qapıdan qapıya qol - Video
Türkiyə Superliqasında yeni mövsümün başlanma tarixi bilindi
Macarıstan millisinin Avro-2024 üçün heyəti açıqlandı
Ramos MLS təmsilçisinə transfer olur
Dibala bu klubda oynaya bilər
"Bavariya"nın futbolçusu Avro-2024-də oynamayacaq
Varan "Mançester Yunayted"dən gedir - Rəsmi
Səudiyyə Ərəbistanı klubu Qalyardonu göndərir
PSJ-də növbəti ayrılıq
UEFA-dan Avro-2024 öncəsi yeni qərar