13:24
“Bakı” klubunun yarımmüdafiəçisi İbrahim Karqbonun Qol.Az saytına müsahibəsi
- Premyer Liqanın sonuncu turunda səfərdə “Kəpəz”ə 3:1 hesabı ilə qalib gəldiniz. İlk öncə bu oyun haqda təəssüratlarını öyrənək...
- “Kəpəz”ə qarşı yaxşı oynadıq. Qələbə qazanmaq üçün əlimizdən gələni etdik və buna nail olduq. İlk hissədə 2 qol vurmağımız fasilədən sonra daha rahat oynamağımıza kömək etdi. Bakıdakı oyunda “Kəpəz”ə 0:3 hesabı ilə məğlub olmuşduq. Lakin səfərdə bu məğlubiyyətin əvəzini çıxa bildik.
- “Bakı” növbəti turda öz meydanında “Turan”la qarşılaşacaq. Bu görüş barədə nə deyə bilərsən?
- Biz bütün oyunlara qələbə əzmi ilə çıxırıq. Təbii ki, “Turan”la oyun da istisna deyil. Lakin rəqibə hörmətlə yanaşmalıyıq. Çünki “Turan” Azərbaycanın köklü klublarından biridir. Ona görə də onlara qarşı ehtiyatlı oynamalıyıq. “Kəpəz”lə görüşdəki kimi çıxış etsək, əminəm ki, “Turan”ı da məğlub edəcəyik.
- “Bakı” mövsümə yaxşı başlamasa da, komanda artıq yavaş-yavaş özünə gəlir. Səncə, komandanın buna qədərki zəif çıxışının əsas səbəbi nə idi?
- Mövsümün əvvəlində komandanın heyətinə bir sıra yeni futbolçular qoşuldu. Təbii ki, həmin futbolçuların komandaya uyğunlaşması üçün bir qədər zamana ehtiyacları var idi. Komandada legionerlərin üstünlük təşkil etməsi bir-birimizi anlamaqda çətinlik yaradırdı. Məhz buna görə də, bir sıra oyunlarda yersiz xal itkisinə yol verdik. Bununla belə, Uinston Parksın “Xəzər Lənkəran”dan, Elvin Əliyevin AZAL-dan və Novruz Məmmədovun “Muğan”dan transfer olunması komandanın gücünə əlavə güc qatdı. Mövsümə pis başlasaq da, son turlar yaxşı çıxış edirik. İnanıram ki, bu uğurun ardı gələcək.
- Hazırda komanda daxilindəki ab-hava necədir?
- Komandada hər şey qaydasındadır. Futbolçular da yalnız müsbət düşünürlər. Bir oyun başa çatdıqdan sonra həmin matçı unudub, növbəti görüşə hazırlaşırıq. Çünki hər oyunda qazanılacaq bir xal da bizim üçün çox əhəmiyyətlidir.
- “Bakı”nın bu mövsüm əsas hədəfi nədir?
- Bu mövsüm ilk növbədə Avrokuboklara vəsiqə qazanmalıyıq. Bu, bizim əsas hədəfimizdir. Bunun üçün də var-gücümüzlə çalışırıq. Lakin çempionluq uğrunda da sonadək mübarizə aparacağıq. Düşünürəm ki, “Bakı” titul qazanmağa layiq komandadır.
- Bəs, bu mövsüm “Bakı”nın çempion olmasına nə mane ola bilər?
- Hər şey özümüzdən asılıdır. Əgər meydanda sonadək oynasaq, istəyimizə nail olarıq. Komandanın hər bir futbolçusunda qələbə qazanmaq arzusu olmalıdır. Düşünürəm ki, mövsümün sonuna qədər sabit oyun göstərsək, çempion ola bilərik.
- Çempionluq yolunda hansı komandaları özünüzə ciddi rəqib görürsən?
- Ciddi rəqiblərimiz çoxdur. Bu komandalardan “Neftçi”, “Xəzər Lənkəran”, “İnter” və “Qarabağ”ın adlarını çəkə bilərəm. Ancaq “Bakı” da zəif deyil və heç bir rəqibdən çəkinmirik. İstənilən komanda ilə rəqabətə hazır olmalıyıq. Artıq qarşıdakı görüşdə qazanılacaq hər bir xal həlledici rol oynayır. Ona görə də daha diqqətli oynamalıyıq.
Vüsal HÜSEYN
_22.01.19.jpg)
"Yuventus" futbolçusuna 7,5 milyonluq müqavilə təklif etdi
"Karvan" "İmişli"ni belə məğlub etdi - Video
"Milan"ın Menyan qərarı
Xviça yalnız bu şərtlə "Napoli"də qalacaq
"Difai Ağsu" - "Mingəçevir" oyununda 5 qol - Video
"Atletiko" Oblakı transferə çıxardı
"Difai Ağsu" və "Karvan"dan qələbə
Əvəzedicilər Liqasında 32-ci tur başa çatdı
ÇL-in oyunu bu kanallarda
Azərbaycanlı nümayəndə ilk dəfə Avropa çempionatında
"Qusar"ın səfər qələbəsi - Video
Tuhel: "Madriddə qələbə qazanmalıyıq"
Timo Verner üçün mövsüm başa çatdı
Del Boskeyə vəzifə verildi
Buffon 12 il əvvələ qayıtmaq istəyir
Qvardiola peşmandır
Təzimə layiq o ötürmə barədə danışdı
“Qarabağ”ı özlərinin “Qorxulu siyahısı”na saldılar
Məşhur qapıçı Avro-2024-də olmayacaq
FİFA referisi Zaqataladakı oyuna təyinat aldı
"Real"ın yeni ağsaqqalı!
"Bavariya" Ranqniklə danışıqları təsdiqlədi
Azərbaycan minifutbol millisindən 1 qələbə, 1 məğlubiyyət
"Münhendə 90 dəqiqə əziyyət çəkməli olduq" - Ançelotti
