Vaxtilə milli komandamızın şərəfini qorumuş, hazırda Gəncənin “Kəpəz” klubunda çıxış edən Ceyhun Sultanovun Qol.Az saytına müsahibəsi
- Bu gün millimiz Avro-2012-nin seçmə qrup mərhələsi çərçivəsində növbəti oyununu keçirəcək. Yığmamızın şərəfini qorumuş bir futbolçu kimi Qazaxıstan seçməsi ilə görüşdə komandamızın şanslarını necə qiymətləndirirsən?
- Evdə oynayırıq. Qazaxıstan da bizim kimi komandadır. Onları udmaq şansımız çoxdur.
- Səncə, belçikalılarla heç-heçə bugünkü görüşdə millimiz üçün əlavə üstünlük ola bilər?
- Əlbəttə, bu üstünlükdür. Mən oynayanda da belə idi. Futbolçular da fikirləşirlər ki, doğma meydanda oynayırlar. Əgər Belçika ilə heç-heçə ediblərsə, qazaxları udmaq olar. Fikrimcə, bizimkilər qalib gələcəklər.
- Bu gün milli komandamızda pleymeyker mövqeyində futbolçunun yoxluğu açıq-aşkar hiss olunur. Hücumlarımızın kəsərli alınmaması da məhz bu amillə əlaqələndirilir. Bu mövqe üçün isə daha çox sənin adın hallanır. Özünü milli komandada oynamağa hazır sayırsan?
- Hə, özümü hazır hiss edirəm. Ancaq mən deyim ki, meydana çıxıb qeyri-adi oyun göstərəcəm, bu, yalan olar. Amma inanıram ki, bugünkü gündə milliyə kömək etməyə hazıram.
- Dedin ki, özünü hazır sayırsan. Ən azından son 4 turda göstərdiyin oyun da bunu deməyə əsas verir. Bəs onda niyə yığmadan kənardasan?
- Bu, baş məşqçinin öz fikridir. Ola bilsin ki, yığmaya dəvət almamağım yaşımla əlaqədardır. 32 yaşım var. Ona görə də çoxusu belə fikirləşir. Ancaq mənim fikrimcə, bu gün kim hazırdısa, millidə o da oynamalıdır.
- Necə düşünürsən, iddialı klubda çıxış etməməyin millidən kənarda qalmağına səbəb ola bilər?
- Yox, inanmıram. O, səbəb deyil. Millidə elə futbolçu var ki, klubunda ilk “18”liyə düşə bilmir. Bu tərəfdən də fikirləşmək lazımdır. İnanmıram ki, “Kəpəz” iddialı olmadığı üçün məni milliyə çağırmayıblar. Mən belə düşünürəm ki, yaşımla əlaqədardır. Amma millidə çıxış etmək yaşa baxmır. Əgər bu gün hazırsansa, yığmada oynamalısan.
- Bu gün kifayət qədər hazırlıqlı futbolçular millidən kənarda qalırsa və onların yerinə klubunda ilk “18”liyə düşə bilməyənlər oynayırsa, onda yığmamıza futbolçular hansı şərtlərlə seçilirlər?
- Milliyə futbolçuları seleksioner məşqçilər seçirlər. Mən nə deyim? Bacardığım qədər oynayıram ki, nəyəsə nail olum. Çağırsalar da sağ olsunlar, çağırmasalar da. Bu, baş məşqçinin fikridir. Onunla razılaşmaq lazımdır.
- Ümumiyyətlə əvvəlki illərlə müqayisədə millinin oyununda hər hansı dəyişiklik hiss olunur?
- İnkişaf deyəndə, bu gün bunu istəyiriksə, daha çox gənclərə yer vermək lazımdır. Mən açıq danışmağı xoşlayıram. Bu gün məni çağırsalar, eyni şey olacaq. Əgər biz inkişaf istəyiriksə, qrupdan çıxmağı fikirləşməliyik. Gələcəyə baxmaq üçün 13-14 yaşlı uşaqları yetişdirmək lazımdır ki, onlar da indikilər kimi fikirləşməsinlər ki, çıxıb Qazaxıstandan, Belçikadan xal alaq. Onlarda belə bir psixologiya formalaşmalıdır ki, biz qrupdan çıxmalıyıq.
- Ancaq bayaq qeyd etdin ki, bu gün kim hazırdısa, o da oynamalıdır.
- Mənim əsas demək istədiyim odur ki, əgər futbolun inkişafını istəyiriksə, qrupdan çıxmağı fikirləşməliyik. Lap deyək ki, mən gəldim oynadım, Belçikanı udduq. Amma yenə komandamız qrupda qaldı. İnkişaf yoxdur. Ona görə deyirəm ki, gəncləri yetişdirib, onları qabağa buraxmalıyıq.
- Səncə, millinin baş məşqçisinin yerli və ya əcnəbi olmasının fərqi var?
- Baş məşqçi azərbaycanlı olsa, lap yaxşı olar. Çünki azərbaycanlıların psixologiyasını yerli məşqçi daha yaxşı bilər. Alman və Azərbaycan psixologiyası tamam başqadır. Foqts bizdən alman futbolu tələb edə bilər. Ancaq onu ala bilməz. Əgər yerli məşqçi də əcnəbi kimi nəticə verirsə, niyə o olmasın. Ya da yerli futbolçu. Milliyə çağırılan legionerlərin yerinə 16-17 yaşlı gəncləri dəvət etsələr, ondan daha çox xeyir görə bilərlər. Onsuz da uduzuruq. Bunun fərqi var ki, milliləşdirilmiş legionerlər uduzdular və ya yerli oyunçular. Yenə özümüzünkü uduzsa, adamı yandırmaz.
Messiyə mükafat verildi
"İnter Mayami" Messinin daha bir dostu ilə danışıqlar aparır
Azərbaycanın U-17 millisi Belarusa uduzdu
“Sabah”ın Tərtərdəki seçimləri yekunlaşdı - Video
"Şamaxı"nı 2-ci pilləyə yüksəldən qələbə - Video
Avro-2024-ü buraxacaq
"Çelsi" Konteyə təklif göndərdi
"Qaradağ Lökbatan" "Araz-Saatlı"ya aman vermədi - Video
Tonalinin cəzası iki ay uzadıldı
Liderdən qələbə, "Şamaxı" 2-ci pilləyə yüksəldi
Ranqnik "Bavariya"dan niyə imtina edib?
"Real"ın kapitanı Messi ilə komanda yoldaşı olacaq
Fransa klubu baş məşqçisini istefaya göndərir
"Real" Marselonun oğlu ilə müqaviləni uzatdı
Rusiya millisi üçün yeni rəqib
Benzema "Real"ın bazasında
"Borussiya" Hummelslə bağlı qərar verdi
"Real" ukraynalı qapıçı ilə yeni müqavilə imzalayır
Almaniya Çempionlar Liqasında daha bir yer qazandı
Ranqnik "Bavariya" ilə planlaşdırılan görüşü ləğv etdi
Klublar Komitəsinin növbəti iclası keçirildi - Şəkillər
A seriyasına yüksələn ilk komanda bilindi
Luis Enrike məğlubiyyəti şərh etdi
Avrokubokun oyunlarını göstərəcək kanalların siyahısı
UEFA bu futbolçuların oyununu səsverməyə çıxardı
Mbappe kuryoz hadisə ilə üzləşdi
"Traktor" liderdən xal aldı
"Borussiya" PSJ-ni belə məğlub etdi - Video
"Borussiya" PSJ-yə qalib gəldi
Ronaldo dubl etdi, "Əl-Nəsr" finala adladı