“Qarabağ”ın hücumçusu Rauf Əliyev Farer adalarıın “Streymur” klubu ilə Avropa Liqasındakı oyunöncəsi Qol.Az saytına müsahibə verib
- Zədə səbəbindən bir müddət yaşıl meydanlardan kənarda qaldın. Bu fasilədən sonra ilk dəfə “Banqa” ilə ev oyununda meydana çıxdın. Oyundan sonra ayağında ağrılar olmadı?
- Yox, şükür Allaha, artıq hər şey yaxşıdır. Oyundan sonra da hər hansı ağrı hiss eləmədim. Zədəm tam sağalıb. Məşqlərə davam edirəm.
- Öz oyunundan necə, razı qaldın?
- Tam razı qalmadım. Çünki uzun müddət idi ki, məşq etmirdim. Oyun praktikasının azlığından əziyyət çəkirdim. Ancaq yenə də meydanda nə isə etməyə çalışırdım. İnşallah qarşıdakı oyunlarda formamı tam bərpa edib, özümü yaxşı tərəfdən göstərəcəyəm. Amma “Banqa” ilə görüşdə tam aşağı səviyyədə oynadım da deməzdim. Orta səviyyədə çıxış etdim.
- Ümumiyyətlə, “Banqa” ilə evdəki oyun barədə nə deyə bilərsən?
- Cütün taleyi artıq Litvadakı oyundan sonra həll olunmuşdu. Burada öz adımıza görə oynamaq və uğur qazanmaq istəyirdik. Oyundan da görsənirdi ki, qarşılaşma elə də yüksək səviyyədə keçmədi. Çalışırdıq ki, topla daha çox oynayıb, rəqibi topsuz qoyaq. Əsas odur ki, qalib gəldik və yolumuza
davam edirik.
- Oyunöncəsi və meydanda olarkən, komandada arxayınçılıq var idi?
- Nə qədər arxayınlaşmamaq istəsək də, alınmır. Çünki səfərdə rəqibin qapısından nə az, nə çox, 4 cavabsız top keçirmişdik. Əlbəttə, az da olsa, arxayınlıq var idi.
- Yəqin ki, “Streymur”la oyuna daha ciddi hazırlaşırsınız.
- Bəli. Amma bizim üçün bütün rəqiblər eynidir. Hamısına qarşı eyni qaydada hazırlaşırıq. “Banqa” ilə səfər oyunundan sonra demək olar ki, “Streymur” barədə düşünür və bu oyuna hazırlaşırdıq. “Banqa” ilə olduğu kimi, oradakı oyuna da tam ciddi çıxıb, sərfəli nəticə qazanmağa çalışacağıq.
- Rəqib haqqında yetərincə məlumatınız var?
- Ancaq internet vasitəsilə bəzi oyunlardan epizodlara baxmışıq. Yaxşı qolları var və ev komandasıdır. Hələlik əlimizdəki məlumat bundan ibarətdir.Yəqin ki, ora çatandan sonra bir və ya iki oyununa baxarıq. Bundan sonra rəqibi yaxşı təhlil edəcəyik.
- Özün də qeyd elədin ki, “Streymur” qol vurmağı bacaran ev komandasıdır. Səncə, bu komandaya qarşı necə oynamaq olar?
- Vallah, bunu mənim deməyim düzgün çıxmaz. Amma yəqin ki, Qurban Qurbanov artıq bu komandaya qarşı necə oynamaq lazım olduğunu fikirləşib. Bizə öz tapşırığını verəcək, biz də onu meydanda yerinə yetirməyə çalışacağıq. İnanıram ki, öz oyunumuzu göstərib, lazımı nəticəni əldə edəcəyik.
- “Streymur” 4 ildir ki, ardıcıl olaraq, Avroliqada mübarizə aparır. Rəqibin avrokuboklardakı təcrübəsi sizi narahat eləmir?
- Əlbəttə, rəqibi ciddiyə alırıq. Düzdür, neçə ildir avrokuboklarda oynayırlar. Amma onların Avroliqa təcrübəsi bizi qorxutmur. Çünki bizim də kifayət qədər təcrübəmiz var. Ardıcıl iki il pley-off mərhələsinin bir addımlığında büdrədik. Hər iki komandanın Avropa təcrübəsi olduğunu nəzərə alıb, deyə bilərəm ki, yaxşı oyun olacaq. İnşallah, sevinən tərəf biz olarıq.
- Maraqlıdır, səfər oyunundan hansı nəticəni gözləyirsən?
- Dəqiq proqnoz verə bilmərəm. Amma minimal hesabla qələbə qazansaq, bizim xeyrimizə olar. Bu, bizə lazımdır. Səfərdə qol buraxmadan qol vurmaq daha yaxşı olardı. Amma fərqi yoxdur, qapımızdan top buraxsaq da, əsas olan qol vurmağımızdır. İnşallah, Bakıda da yaxşı oyun göstərib, qalib gələrik.
- Qazaxıstanla oyundan sonra zədələnməyin planları dəyişdi. Hücum xəttində boşluq olacağını nəzərə alan “Qarabağ” Bəxtiyar Soltanovu transfer etdi. Belə demək mümkünsə, bu futbolçu sırf sənin boşluğunu doldurmaq üçün alındı. Necə düşünürsən, son iki oyundan sonra Bəxtiyar sənin yerini doldura bilib?
- Bu, məşqçilərin öz seçimi idi. Buna hörmətlə yanaşıram. Bəxtiyar Soltanovu çoxdan tanıyıram. Nəyə qadir olduğunu da yaxşı bilirəm. İlk oyunda qol vuraraq, özünü müəyyən mənada sübut elədi. Amma bu, hələ hər şey demək deyil. Onun da oyun praktikası baxımından müəyyən çatışmazlığı var. Amma inanıram ki, qarşıdakı oyunlarda komandamıza daha çox xeyir verə biləcək.
"Bayer" qarşısıalınmazdır
"Qalatasaray" "Sivasspor"a 6 qol vurdu
“Sabah” bəxt sayəsində qalib gəldi” – Elmar Baxşıyev
Ayaz Quliyevin gözəl qolu, "Sabah"ın qələbəsi - Video
"Sabah" irəlilədi, "Zirə" yenidən 2-ci pillədə
Tovuzda vurulan qollar - Video
Rəşad Sadlqov qələbəni şərh etdi
Musanın komandasından qələbə
"Araz-Naxçıvan" - "Sabah": Heyətlər
Azərbaycan millisinin üzvü Ukraynada növbəti oyuna çıxdı
"Jirona"ya məğlubiyyət Laportanı qəzəbləndirib
"Bavariya"nın futbolçusu "Real"la oyunu buraxacaq
Tovuzda heyətlər açıqlandı
Qvardiola: "Biz çempion olacağıq"
"Çelsi" Osimhen üçün 90 milyon avro təklif etdi
Messidən MLS rekordu
Rahilin komandası aşağı liqaya düşdü
"Deyiləcək söz yoxdur" - "Neftçi"nin qapıçısı
"Qarabağ" Nərimanla müqaviləni uzatdı
Ardıcıl 5-ci dəfə İspaniya çempionu oldular
"İnter"i 29 oyundan sonra məğlub edən tapıldı - Video
Suaresdən het-trik, Messidən 5 qol ötürməsi
22 il sonra Premyer Liqaya yüksəldilər
"İnter"in 29 oyunluq seriyası qırıldı
"Bavariya" uduzdu, "Borussiya"dan darmadağın
"Mançester Siti" və "Nyukasl" qalib gəldi
"Neftçi"yə qarşı hamı istəkli oynayır" - Qurban Qurbanov
"Real" 36-cı dəfə İspaniya çempionu oldu
"Qarabağ" Bəhlulla yeni müqavilə imzaladı
"Qarabağ"ın 5 cavabsız qolu - Video
"Qarabağ" "Neftçi"ni darmadağın etdi, "Sumqayıt"dan heç-heçə
"Real"dan böyük hesablı qələbə
Samir Abasov: "Futbolçularım ağır görünürdü"
2 qol, 2 qırmızı vərəqə - Video
Şahruddin 90 dəqiqə oynadı, komandası qalib gəldi
"Qarabağ" - "Neftçi": Heyətlər
"Arsenal"dan qələbə