12:54
“Sabah”ın futbolçusu Coy Lens Mikels Misli Premyer Liqasının 4-cü turunda “Zirə”ni 5:0 hesabı ilə məğlub etdikləri oyundan sonra fikirlərini bölüşüb.
Komandasının qələbəsini dəyərləndirən 30 yaşlı hücumçu QOL.az saytına açıqlamasında “Zirə”yə qarşı 5 qol vurmaqlarının böyük mesaj olduğunu bildirib:
“Oyuna qələbə üçün çıxmışdıq və bunu bacardıq. Beş qol vurmağımız, xüsusilə də bu mövsüm heç bir oyunda məğlub olmayan “Zirə”yə qarşı bunu etməyimiz daha da təsirlidir. Düşünürəm ki, bu, bizim tərəfdən böyük və yaxşı bir mesaj oldu”.
Mikels qarşılaşmada 3 qol vuraraq bu mövsüm Misli Premyer Liqasında ilk het-trikə imza atıb. O, bunun üçün çox xoşbəxt olduğunu söyləyib:
“Bu, Azərbaycan çempionatında ilk het-trikimdir. Avrokuboklarda artıq qol vurmuşdum, amma çempionatda heç vaxt het-trik etməmişdim. Buna görə çox xoşbəxtəm. Üçüncü qolu vuranda belə sevinməyimin səbəbi də bu idi. Bu gün mənim üçün xüsusi gündür”.
O, “Sabah”ın gələn həftə UEFA Çempionlar Liqasındakı ilk oyununda “Mançester Yunayted”lə səfər qarşılaşması haqda da danışıb. Mikels İngiltərə klubunun oyun üslubunun “Sabah”a uyğun ola biləcəyini düşünür:
“Tamamilə fərqli oyun olacaq. Ümid edirik ki, topa sahib ola biləcəyik, çünki topa nəzarət etməyi sevirik. Amma bilirik ki, Mançesterdə oynayacağıq və müəyyən qədər əziyyət çəkməli olacağıq. Çətin qarşılaşma olacaq. Düşünürəm ki, “Mançester Yunayted”in oyun üslubu da bizə müəyyən mənada uyğun gələcək. Çünki bilirsiniz, Premyer Liqada oyunlar sürətli əks-hücumlar üzərində qurulur. Buna görə də "Mançester Yunayted"ə qarşı necə oynayacağımızı görmək çox maraqlı olacaq”.
“Mançester Yunayted”in azarkeşi olduğunu deyən Mikels “Old Trafford”da 75 min tərəfdarın qarşısında oynamağın onun üçün əlavə motivasiya olacağını vurğulayıb:
“Mançester Yunayted” mənim sevimli komandamdır. Bir qədər şanslıyam. İlk Çempionlar Liqası oyunumu “Mançester Yunayted”in stadionunda keçirəcəyəm. Bu, möhtəşəm olacaq”.
“Old Trafford”da oynamağın təzyiq yaradıb-yaratmayacağı ilə bağlı sualı cavablandıran hücumçu bildirib:
“Xeyr, heç bir təzyiq yoxdur. 75 min azarkeşin qarşısında oynamaq yeni təcrübə olacaq. Amma bu, bizi qorxutmamalı, əksinə, motivasiya etməlidir. Belə böyük komandalarla qarşılaşmağı səbirsizliklə gözləyirəm”.
“Trabzonspor”dan inamlı qələbə
“Yuventus”dan heç-heçə, “Bayer” qalib gəldi
La Liqada səfər azarkeşləri üçün yeni qərar
"Karvan-Yevlax" belə məğlub oldu - Video
"Beşiktaş" - "Kristal Pelas": Heyətlər
Bruno Fernandeş tənqidinə görə cəzalanacaq?
“Bavariya”nın futbolçusu sıradan çıxdı
Çempionlar Liqasında həftənin rəmzi komandası açıqlandı
UEFA-dan Fəridə Lütfəliyevaya təyinat
"Gəncəbasar"ın 7 qollu qələbəsindən - Video
Çempionlar Liqasında həftənin oyunçusu bəlli oldu
1-ci liqada 6-cı tura yekun vuruldu
Sergen Yalçın rəsmən Türkiyə millisində - Video
"Keyn İngiltərə tarixinin ən yaxşısıdır"
UEFA “Trabzonspor”u cərimələdi və cəzalandırdı
"Mançester Yunayted"dən Kerrik qərarı
"Qalatasaray" - "Fənərbaxça" matçı ona tapşırıldı
Kurtuadan yeni müqavilə açıqlaması
Mourinyo "El-Klasiko"dan danışdı
"Sabah" "Qarabağ"dan bir addım irəlidədir" - Mütəxəssis rəyi
Misli Premyer Liqası: 9-cu turun hakimləri
İspaniya kralı Messini şam yeməyinə dəvət etdi
Skaloni razılıq verdi
Bugünkü oyunları yayımlayacaq kanallar
Fernandeş taktikanı tənqid etdi, Kerrik futbolçuları
"Real"ın böyükhesablı qələbəsi - Video
Çempionlar Liqasında həftənin oyunçusu kim olacaq?
“Şahdağ Qusar” “Səbail”i belə məğlub etdi - Video
“Sabah” 3 turdan sonra ÇL-də neçəncidir?
"Real" və "İnter"dən qələbə, Münhendə qalib aşkarlanmadı
“Qalatasaray”dan 4 qollu qələbə - Video
