22:13
Paraqvay millisinin baş məşqçisi Qustavo Alfaro DÇ-2026-nın 1/16 finalında Almaniya üzərində qazanılan tarixi qələbəni şərh edib.
QOL.az xəbər verir ki, "Dsports" nəşrinin məlumatına görə, matçdan sonra danışan Alfaro komandasının əzmkarlığını yüksək qiymətləndirib:
"Belə şərtlərdə oynamaq çox çətin idi. Digər rəqiblərlə müqayisədə Almaniyaya qarşı səviyyə fərqi daha çox hiss olunurdu. Xüsusilə də bəzilərinin sərt mübarizə nəticəsində zədələndiyini nəzərə alsaq, oyunçularıma, onların fədakarlığına və sadiqliyinə görə çox xoşbəxtəm".
Təcrübəli mütəxəssis Avropa və Cənubi Amerika futbolunun fərqli inkişaf yollarına da toxunub:
"Ola bilsin ki, növbəti mərhələdə turnirlə vidalaşaq. Amma bu matç əsl epopeya idi. Rəqiblərimiz Avropanın ən yaxşı akademiyalarında yetişiblər. Biz isə çətin həyat şəraitində, ailələrinin böyük fədakarlığı ilə böyümüş futbolçularıq. Ümid edirəm ki, bir gün biz də dördqat dünya çempionlarının malik olduğu inkişaf səviyyəsinə çatacağıq".
Alfaro bu qələbənin məşqçilik karyerasındakı ən yaddaqalan an olduğunu bildirib:
"Bu, həyatımın ən böyük qələbəsidir. Burada fədakarlıq və əsl qəhrəmanlıq var idi. Final fitindən sonra uzun müddət meydanı tərk edə bilmədim".
Xatırladaq ki, paraqvaylılar əsas vaxtı 1:1 hesabı ilə başa çatan görüşdə penaltilər seriyasında 4:3 hesabı ilə qalib gələrək 1/8 finala yüksəliblər.
"Beşiktaş" 7 futbolçusunu göndərə bilər
Pelenin rekorduna yaxınlaşır
Mundialların "aqressiv" üçüncüsü oldu
"Ayntraxt" 18 yaşlı futbolçuya göz dikdi
Dünya Çempionatı 2026
Xəbərlər
Təqvim
Cədvəl