28.10.25
“Qarabağ”ın baş məşqçisi Qurban Qurbanovun Qol.Az saytına müsahibəsi
- Artıq Avroliqanın birinci təsnifat mərhələsində qarşılaşacağınız rəqibin adı məlumdur. “Banqa” barədə nə deyə bilərsiniz?
- Rəqib barədə onu deyə bilərəm ki, atletik futbola üstünlük verirlər. Cavan və təcrübəli oyunçularla komplektləşmiş bir komandadır. Çempionatları davam edir. 14 və ya 15-ci turdur. Komandanın yaxşı, pik formada olan vaxtlarıdır. Rəqib haqqında müəyyən məlumatlarımız olsa da, yenə də daha yaxından tanımağa çalışırıq. İyunun 24-də çempionat oyunları var. Bir-iki məşqçimizi oyunlarını izləmək üçün Litvaya göndərəcəyik. İstəyirik ki, əlimizdə tam məlumat olsun.
- Birinci mərhələdə “Banqa”nı keçəcəyiniz təqdirdə, ikinci mərhələdə Farer adalarının “Streymur” klubu ilə qarşılaşacaqsınız. Sizcə, buna “Qarabağ”ın bəxti gətirdi” demək olar?
- Mənə bu suallar çox verilib. Ancaq məncə, bu komandaları zəif adlandırmaq olmaz. Bəli, bəzilərinə nisbətən zəif görünə bilər. Amma gəlin rəqiblərimizi ciddiyə alaq. Çünki Avropa Liqası elə bir turnirdir ki, burda zəif rəqib olmur. Keçən il hamı “Portadaun”un zəif olduğunu deyirdi. Ancaq bu komanda Bakıda bizə olduqca çətin anlar yaşatdı. Sizli-bizli bütün oyunlara ciddi hazırlaşmalıyıq. Bu, elə bir yarışdır ki, istənilən nəticə ola bilər.
- Yalnız bir transferlə kifayətləndiniz. Bəxtiyar Soltanovun adını son anda iştirak ərizəsinə saldınız. Başqa oyunçular da olmalıydı, ancaq alınmadı. Bu nə ilə əlaqədardır? Razılığa gələ bilmədiniz, yoxsa yeni futbolçulara ehtiyac duymadınız?
- Daha çox yerli futbolçu almağa çalışırıq. Çünki əsası yerlilərdən ibarət olan bir kollektiv yaratmaq niyyətindəyik. Digər klublarla danışıqlarımız olsa da, onlar son anda oyunçularını bizə satmaqdan imtina etdilər. Sizin də vurğuladığınız kimi, ancaq Bəxtiyarla anlaşdıq.
- Həmin oyunçularla danışıqlarınız hələ də davam edir?
- Yox, onlar alınmadı. Klubları ilə razılığa gələ bilmədik.
- Yəqin ki, onların əvəzinə başqa oyunçular olacaq.
- Axtarışdayıq. Tapmağa çalışırıq. Hələlik vaxtımız var. Çempionat başalayana qədər bir neçə oyunçu almaq istəyirik.
- Hazırkı heyəti Avroliqa oyunları üçün yetərli sayırsınız?
- Avropada təcrübəsi olan, stabil heyətimiz var. Futbolçularımız avrokuboklarda bir neçə dəfə oynayıblar. Heyəti gücləndirmək istəyirdik, ancaq alınmadı. Ona görə də bu dəfə legionerlərdən istifadə etməliyik. Ancaq əsas məqsədimiz yerli futbolçularla Avropada uğur qazanmaqdır.
PSJ tarixinin rekord gəliri
"Karvan-Yevlax"ı 1/8 finala aparan qələbə - Video
"San Siro"nun gələcəyi həll olunur
“Bu, əsl kubok oyunu idi" - "İmişli"nin baş məşqçisi
"Turan Tovuz" "Dinamo"nu belə darmadağın etdi - Video
"Qarabağ" PFL-ə müraciət etdi
"Kuboku qazanmağa çalışacağıq" - Kurban Berdıyev
UEFA-dan Asim Xudiyevə növbəti təyinat
"Kəpəz" - "Ağstafa Gəncləri" oyunundakı 7 qol - Video
Azər Bağırov 6:1-i şərh etdi
"Qarabağ" - "Çelsi" matçının biletləri satışa çıxarılır
"İnter"in qapıçısı maşınla adam vurub öldürdü
"Bayer"də ciddi itki
Messi DÇ-2026-da oynamaq istədiyini açıqladı
Vinisius “Real”dan ayrılmağı düşünür
Yeni baş məşqçi Volkan Demirel olacaq - Rəsmi
"Real"ın kapitanı dizindən əməliyyat ediləcək
Premyer Liqa klubunda yeni müqavilə
"Çempionatın səviyyəsi artıb" - "Turan Tovuz"un legioneri
Futzal millimizin heyəti açıqlandı
Qurban Qurbanovun haqlı narazılığı - Video
"Seltik" Brendan Rocersi istefaya göndərdi
Taliskadan 2 gözəl qol, "Fənərbaxça"dan darmadağın - Video
“Kəpəz” legioneri ilə yollarını ayırıb
Qazaxıstan millisinin sabiq qapıçısı vəfat edib
