17.06.26
“Qalatasaray”ın baş məşqçisi Okan Buruk UEFA Çempionlar Liqasının pley-off mərhələsində “Yuventus”la oyunda sonra komandasının çıxışını dəyərləndirib.
QOL.az xəbər verir ki, türkiyəli mütəxəssis matçın çətin olmadığını, lakin oyunu özlərinin çətinləşdirdiyini bildirib.
“Qalatasaray” uduzsa da (2:3), ilk matçdakı qələbə sayəsində (5:2) növbəti 1/8 finala yüksəlib. Oyundan sonra Okan Buruk deyib:
“Oyun çətin deyildi, biz onu çətinləşdirdik. Düşünürəm ki, həm oyun planımız, həm mübarizəmiz, həm top bizdə olanda, həm də rəqibdə olanda etdiklərimiz bu vaxta qədər ortaya qoyduqlarımızla üst-üstə düşmədi. Təbii ki, səfər oyunu idi, rəqib öz azarkeşləri ilə birlikdə təzyiq yaratmağa çalışdı. İlk hissədə çox böyük təzyiq görməsək də, istədiyimiz oyunu oynaya bilmədik”.
O deyib ki, komandasının 1/8 finala yüksəlməsinə görə çox xoşbəxtdir: “Bir türk komandasının son 16 komanda arasında olması çox dəyərlidi. Bunun qədrini bilmək və şükür etmək lazımdır. Amma soyunma otağında elə bir ab-hava yaranmışdı ki, sanki oyunu uduzmuşuq. Halbuki mərhələ adlamaq çox vacib idi. İki oyunda yeddi qol vurmaq mühüm göstəricidir.
11 nəfərlə rəqibin 10 futbolçusuna qarşı oyunumuz qəbuledilməz idi. Oyunu daha rahat başa vurmalı idik, amma sanki azlıqda oynayan biz idik. Həm top bizdə olanda, həm də rəqibdə olanda çox səhvlər etdik. Hücumda yaradıcılıq göstərə bilmədik, rəqibin üzərimizə gəlməsinə imkan verdik və iki qol buraxdıq. Bu vəziyyət bəzən texniki heyəti də çıxılmaz durumda qoyur. Dəyişikliklər etdik, yeni oyunçular daxil oldu. Sarı vərəqəsi olan futbolçular var idi, 11-ə 10 oynayarkən ikinci sarı kart riskini aradan qaldırıb üstünlüyümüzü qorumaq istəyirdik. Buna baxmayaraq, komanda yerləşimində problemlər yaşadıq”.
Okan Buruk deyib ki, bundan sonra komanda olaraq daha çox çalışacaqlar: “Bu səviyyədə “onsuz da qalib gələcəyik” düşüncəsi qəbul edilə bilməz. İlk növbədə mən özümü dəyərləndirəcəyəm, futbolçularımız da fərdi şəkildə bunu etməlidir. Mərhələni keçsək də, amma çox önəmli dərs aldıq”.
“Zirə”dən yeni transfer
Çalhanoğlu üzr istədi
"Barselona"nın sabiq kapitanı İtaliya klubundan ayrıldı
Azərbaycan boksçuları Dünya Kubokunda yarımfinala yüksəldi
PFL onları mükafatlandırdı
"İmişli"də 5 ayrılıq - Yenilənib
"Neftçi" legioneri ilə yollarını ayırdı
Kavani ilə müqavilə ləğv edildi
Caner Erkin karyerasını bitirdi
"Atletiko" onun transferini bitirir
Aydının Maqnus Karlsenə qalib gəldiyi o an - Video
"Barselona" peşmandır
İngiltərə Premyer Liqasında yeni mövsüm - İlk turun təqvimi
"Şəfa"da daha bir müqavilə
Azərbaycanlı şahmatçı Maqnus Karlsenə qalib gəldi
"Araz-Naxçıvan" xorvatiyalı futbolçu transfer etdi
Ansu Fati müğənniliyə başladı
Ölkəsində qəhrəman oldu, nəhəng təsviri hazırlandı - Video
Mundialda ilk turun ən yaxşı oyunçuları müəyyənləşdi
"Rəqibin kimliyi əhəmiyyətli deyil" - Dambrauskas
Messinin atasının ölüm xəbərini yaydı - İşdən çıxarıldı
Kukurelyadan "Barselona" azarkeşlərinə cavab
FİFA Tuhelin şikayətindən sonra fotoqrafların yerini dəyişdi
Dünya Çempionatı 2026
Xəbərlər
Təqvim
Cədvəl