20:13
Argentina Futbol Assosiasiyasında (AFA) yaranan gərginlik ölkədə çempionat oyunlarının dayandırılması ilə nəticələnib.
QOL.az xəbər verir ki, ESPN-in yaydığı məlumata görə, Argentinanın Gəlirlər və Gömrük Nəzarəti Agentliyinin şikayəti əsasında məhkəmə AFA-nın prezidenti Klaudio Tapianı ifadə verməyə çağırıb. O, 2024-2025-ci illər ərzində təxminən 13 milyon dollar məbləğində sosial sığorta haqlarını mənimsəməkdə şübhəli bilinir.
Məhkəmə qərarı ilə Tapianın ölkədən çıxışına qadağa qoyulub. İş üzrə həmçinin qurumun xəzinədarı Pablo Tovicino, baş katib Kristian Malaspina və digər rəsmi şəxslər də istintaqa cəlb olunublar.
Futbol rəhbərliyi isə bu addımı federasiyaya qarşı hücum kimi qiymətləndirib. AFA İcraiyyə Komitəsi Tapiaya dəstək əlaməti olaraq martın əvvəlinə planlaşdırılan bütün yüksək liqa və digər çempionat oyunlarını qeyri-müəyyən müddətə təxirə salıb. Beləliklə, martın 5-dən 8-nə qədər keçirilməli olan 9-cu turun qarşılaşmaları baş tutmayacaq.
AFA rəsmi bəyanat yayaraq günahsız olduğunu bildirib. Federasiya iddia edir ki, bütün vergi və sosial öhdəliklər vaxtından əvvəl ödənilib və şikayət hüquqi əsasa malik deyil. Hazırda Argentina futbolu tarixinin ən böyük rəhbərlik böhranlarından birini yaşayır.
"Mançester Yunayted"in futbolçusu sıradan çıxdı
Turin klubu yeni baş məşqçisini açıqladı
Futbolçuya həm cərimə, həm 6 aylıq qadağa tətbiq olundu
La Liqa matçlarında ən çox ötürmə edən futbolçular kimlərdi?
Dibala vətəninə qayıdır
Gedirlər - Şəkillər
“Neftçi”də 9 nömrə əbədiləşdirildi
"Onun etdiklərini heç vaxt unutmayacağam"
"Barselona" maliyyə pozuntuları ilə bağlı bəyanat yaydı
Cüdoçularımız "Böyük Dəbilqə" turnirində iştirak edəcəklər
İrqçi davranışına görə "Real"la oyunu buraxacaq
Superliqa klubları bugünkü matça itkilərlə çıxacaq
