13:17
1) Hər şeydən əvvəl “Qarabağ” “Liverpul”la UEFA Çempionlar Liqasının 8-ci tur oyununda pley-off mərhələsini təmin etməlidir.
2) Heç-heçə yüz faiz komandamızı ilk 24-lükdə saxlayacaq (bizə lazım olan da budur). Məğlubiyyət belə “atlılar”a yarışda qalmağa imkan verə bilər (bu, digər bir neçə oyunun nəticəsindən asılı olacaq). Bunlardan biri olsa, “Qarabağ” 17-24-cü yerlər zonasında qalacaq və yarışa davam edəcək.
3) Qələbə isə fantastika olar və bu halda Ağdam təmsilçisi 9-16-ci yerlər zonasına yüksələ bilər.
Bəs, bu zonaların fərqi və əhəmiyyəti nədir?
a) Pley-off”un püşkatması zamanı (30 yanvar) 9-16-cı yeri tutanlar “səpələnmişlər”, 17-24-cü yeri tutanlar isə “səpələnməmişlər” səbətində yer alacaq.
Yəni 9-16-cı yeri tutan 8 komanda yalnız 17-24-cü yeri tutan 8 komandadan biri ilə qarşılaşacaq.
b) “Səpələnməmişlər” səbətindəki komanda “pley-off”da ilk matçı evdə, cavab oyunu səfərdə keçirəcək.
c) “Pley-off”la bağlı püşkatmaya dair UEFA-nın qaydalarında deyilir: “16 klub ümumi mərhələnin yekun sıralamasına əsasən ikili qruplara bölünəcək və bununla da dörd “səpələnmiş” cüt (turnir cədvəlində 9–10-cu, 11–12-ci, 13–14-cü, 15–16-cı yerləri tutan klublar) və dörd “səpələnməmiş” cüt (17–18-ci, 19–20-ci, 21–22-ci, 23–24-cü yerlər) formalaşdırılacaq.
Hər “səpələnmiş” cütdəki klublar pley-off toruna düşəcək və “səpələnməmiş” cütlərdəki klublarla qarşılaşacaq”.
Yəni…
9 və ya 10-cu yerləri tutan klublar 23 və ya 24-cü yerləri tutan klublarla,
11/12 – 21/22 ilə,
13/14 – 19/20 ilə,
15/16 – 17/18 ilə üz-üzə gələcək.
Bu o deməkdir ki, əgər yarış indi - 7 turdan sonra bitsə idi, hazırda 18-ci pillədə olan “Qarabağ” ya “Yuventus”la (15-ci yer) ya da “Borussiya” Dortmundla (16-cı yer) qarşılaşacaqdı.
Amma qarşıda Liqa mərhələsinin ən həlledici - 8-ci turu var. Yalnız bundan sonra komandaların yekun sıralaması müəyyənləşəcək. Odur ki, biz tələsməməli, eyforiyaya qapılmamalı, “Qarabağ”a inanmaqla “Liverpul”la matçın nəticəsini gözləməliyik.
Sonda xatırlatmaq yerinə düşər ki, 1-8-ci yeri tutanlar “pley-off”dan azad olmaqla birbaşa 1/8 finala vəsiqə qazanırlar.
Aydın Bağırov
Gedirlər… - Şəkillər
“100”ün şəriki
“Sabah”ın böyük hesablı qələbəsindən - Video
"O, bu qolu vursaydı, Zidanla eyni səviyyədə tutulardı"
Baş məşqçi onun komandadan getməsinə razılıq vermədi
"Çelsi" London derbisində inamlı qələbə qazandı
Sumqayıtda vurulan qollar - Video
Argentina millisinin futbolçusu DÇ-2026-nı buraxa bilər
Emreli yenə heyətdən kənardadır
“Daha çox qol vura bilərdik” - Kurban Berdıyev
Nani Qazaxıstan klubunda - Rəsmi
Haaland "Qalatasaray"la matçda da olmayacaq?
“Kəpəz”dən 100-cü səfər qələbəsi
"Sabah" - "Karvan-Yevlax": Heyətlər
"Şamaxı"dan 30-cu böyük hesablı məğlubiyyət
Tarixin ən uzun seriyası qırıldı
