28.10.25
«Bakı»nın sabiq yarımmüdafiəçisi Mahmud Qurbanovun Qol.Az saytına müsahibəsi
- “Bakı”nı tərk etmisən. Futbolçu karyeranı davam etdirəcəksən?
- Əlbəttə, davam etmək fikrindəyəm. Düşünürəm ki, hələ yetərincə gücüm var və oynayacağım komandaya öz töhfəmi verə bilərəm. Daxilimdə də futbola qarşı böyük sevgi olduğundan, hələ karyeramı başa vurmaq haqqında düşünmürəm.
- Deyilənə görə, “Gəncə” ilə müqavilə imzalamağa hazırlaşırsan.
- Hamı məni ora «göndərir», ancaq özüm hələ gedib çıxmamışam. Bilirsiniz, hələ real bir şey yoxdur, sadəcə, danışıqlar gedir. Düşünürəm ki, yaxın zamanlarda hər şeyə aydınlıq gələcək. Hələ müqavilə bağlayacağıma dair bir xəbər yoxdur. Ola bilsin, başqa klublardan gələn təklifləri dəyərləndirim.
- Səncə, bu mövsüm “Bakı”nın uğursuz çıxışına səbəb nə idi?
- “Bakı” klubu artıq mənim üçün keçmişdə qaldı. Mən artıq oradan ayrılmışam, öz yoluma davam edirəm. Ancaq bir şeyi deyə bilərəm ki, komandada özündən razı futbolçular çoxluq təşkil edirdi. Əlbəttə, bu da nəticəyə öz mənfi təsirini göstərməliydi. Çoxları deyir ki, guya baş məşqçi Starkovla münasibətlərimin pis olması səbəbindən klubdan ayrılmışam. Ancaq bu, belə deyil. Onunla münasibətlərim yaxşıydı. Bir də mütəxəssis kimi də bəyənirdim, hər şeyə fikir verən məşqçidir. Hiss olunurdu ki, işləmək istəyir.
- Əvvəl belə bir fikir var idi ki, sən «Bakı»da qalıb məşqçi işləyəcəksən. Ancaq klubu tərk etməli olduq.
- Ola bilsin ki, kimsə nəsə desin, ancaq mənə bununla bağlı konkret bir təklif gəlməmişdi. Təklif olsaydı fikirləşərdim. Komandadan ayrılmağım isə, normal bir şeydir.
- Azərbaycan millisinin son iki matçını izləmisən. Fikirlərin necədir?
- Qazaxlarla oyundan heç razı qalmadım. Çünki mən elə bilirdim ki, millimiz mütləq qələbə qazanacaq. Buna nəinki mən, bütün futbol azarkeşləri inanırdı. Hətta ən azı heç-heçə ilə dönə biləcəyimizi düşünürdüm. Ancaq nəticə bizi çox məyus elədi. Uduzmağımıza isə arxayınçılıq səbəb oldu. Özümüzü onlardan bir baş üstün gördük. Bu da meydanda sona qədər aqressiv mübarizə aparmağımıza mane oldu. Mən hər zaman demişəm ki, kimin güclü, kimin zəif olduğu 90 dəqiqə ərzində meydanda bilinir. Almaniyaya qarşı əzmkar mübarizəni Astanada da aparsaydılar, yəqin ki üç xalla qayıdardıq. Almanlara qarşı oyunda məğlub olsaq belə, çox bəyəndim. Arif İsayev və Murad Hüseyinovun çıxışlarını xüsusi qeyd edərdim.
- Səncə, Berti Foqts Azərbaycanda qalıb işləməlidir, yoxsa istefaya göndərilməlidir?
- Qalmalı və ya getməlidir, bu qərarı yalnız AFFA rəhbərliyi verməlidir.Mən belə başa düşürəm ki, məşqçi kim olursa-olsun, futbolçu öz oyununu oynamalıdır. Çünki o tək özünü deyil, xalqını təmsil edir.
PSJ tarixinin rekord gəliri
"Karvan-Yevlax"ı 1/8 finala aparan qələbə - Video
"San Siro"nun gələcəyi həll olunur
“Bu, əsl kubok oyunu idi" - "İmişli"nin baş məşqçisi
"Turan Tovuz" "Dinamo"nu belə darmadağın etdi - Video
"Qarabağ" PFL-ə müraciət etdi
"Kuboku qazanmağa çalışacağıq" - Kurban Berdıyev
UEFA-dan Asim Xudiyevə növbəti təyinat
"Kəpəz" - "Ağstafa Gəncləri" oyunundakı 7 qol - Video
Azər Bağırov 6:1-i şərh etdi
"Qarabağ" - "Çelsi" matçının biletləri satışa çıxarılır
"İnter"in qapıçısı maşınla adam vurub öldürdü
"Bayer"də ciddi itki
Messi DÇ-2026-da oynamaq istədiyini açıqladı
Vinisius “Real”dan ayrılmağı düşünür
Yeni baş məşqçi Volkan Demirel olacaq - Rəsmi
"Real"ın kapitanı dizindən əməliyyat ediləcək
Premyer Liqa klubunda yeni müqavilə
"Çempionatın səviyyəsi artıb" - "Turan Tovuz"un legioneri
Futzal millimizin heyəti açıqlandı
Qurban Qurbanovun haqlı narazılığı - Video
"Seltik" Brendan Rocersi istefaya göndərdi
Taliskadan 2 gözəl qol, "Fənərbaxça"dan darmadağın - Video
“Kəpəz” legioneri ilə yollarını ayırıb
Qazaxıstan millisinin sabiq qapıçısı vəfat edib
