“Fənərbaxça” prezidentinin Türkiyədən çıxışına “stop” qoyuldu

“Fənərbaxça” prezidentinin Türkiyədən çıxışına “stop” qoyuldu
DÜNYA FUTBOLU 21 Dekabr 2025 / 13:50 720
-  A +


“Fənərbaxça” İdman Klubunun prezidenti Sadettin Saran narkotiklə bağlı aparılan istintaq çərçivəsində İstanbul Respublika Baş Prokurorluğu tərəfindən şübhəli qismində ifadə verməyə çağırılıb. 

QOL.az bu haqda Türkiyə mediasına istinadən xəbər verir. 

Məlumata görə, istintaq çərçivəsində Saranın evində də axtarış aparılıb.

Sadettin Saran “Olimpia Milano” – “Fənərbaxça” Beko oyunu və bəzi transfer danışıqları səbəbilə xaricdə olub. Onun barəsində aparılan hüquqi proses barədə məlumatlandırıldıqdan sonra klub prezidenti Türkiyəyə qayıdıb. 

İstanbul Respublika Baş Prokurorluğunun apardığı “narkotik istintaqı” çərçivəsində Sadettin Saran “narkotik maddə əldə etmək” və “narkotik maddə istifadəsinə şərait yaratmaq” ittihamları ilə ifadə verib.  

İstintaq tədbirlərinin yekununda Sadettin Saran barəsində ölkədən çıxış qadağası və ədliyyə nəzarəti tətbiq olunmaqla sərbəst buraxılıb.


Son xəbərlər
20.12.25  22:54

Yamal, Haaland, Keyn...

20.12.25  10:02

Salah üzr istəyib