22:57
“İnter Mayami” klubunun hücumçusu Lionel Messi MLS-də ardıcıl ikinci dəfə mövsümün ən yaxşı futbolçusu adına layiq görülüb.
QOL.az xəbər verir ki, argentinalı oyunçu MLS tarixində bu mükafatı iki il ard-arda qazanan ilk oyunçu kimi tarixə düşüb. Messinin ötən mövsüm kifayət qədər yaxşı oyun göstəriciləri ilə yadda qalıb:
Oyun sayı: 49
Qol: 43
Məhsuldar ötürmə: 26
Qeyd edək ki, futbolçu həmçinin ardıcıl iki mövsümdə ən azı 36 qolda birbaşa iştirak edən ilk MLS oyunçusu olub. O, pley-off mərhələsində 15 qolun vurulmasında (müəllif və ya assistent kimi) rol oynayaraq daha bir rekorda imza atıb.
Xatırladaq ki, Messi ötən mövsüm “İnter Mayami”yə MLS Kubokunu qazandırmaqla komandasının uğurunda həlledici rol oynayıb.
