Advokat vacib oyun ərəfəsində millinin düşərgəsini tərk etdi

Advokat vacib oyun ərəfəsində millinin düşərgəsini tərk etdi
DÜNYA FUTBOLU 16 Noyabr 2025 / 16:21 783
-  A +

Kurasao millisinin baş məşqçisi Dik Advokat gözlənilməz qərar verib.

QOL.az xəbər verir ki, niderlandlı mütəxəssis DÇ-2026-nın seçmə mərhələsinin çox vacib oyunu öncəsi milli komandanın düşərgəsini tərk edib.

Yerli federasiyanın mətbuat xidmətinin yaydığı açıqlamada bildirilib ki, Advokat şəxsi səbəblərə görə  Kurasao milli komandasının təlim-məşq düşərgəsini tərk edib. Ancaq Advokat taktiki məsələlər, oyunçuların idarə olunması və qarşıdakı matçla bağlı əsas qərarlarda fəal iştirak etməyə davam edəcək.

78 yaşlı çalışdırıcıs Niderland mətbuatına açıqlamasında məsələ ilə bağlı deyib: "Oyunçularımı tək qoymaq son dərəcə çətin bir qərardır. Bununla belə, ailə futboldan daha önəmlidir".

Kurasao millisi noyabrın 19-da Yamayka ilə qarşılaşacaq. Əgər komanda bu oyunda uduzmasa, tarixində ilk dəfə dünya çempionatınıln final mərhələsinə vəsiqə qazanacaq. Bundan əlavə, komanda mundiala vəsiqə qazanarsa, Kurasao turnir tarixində mübarizə aparan ən kiçik ölkə olacaq. Kurasaonun cəmi 152 min nəfər əhalisi var.


Son xəbərlər