Azərbaycan milli komandasının hücumçusu Mahir Emreli klubu "Nürnberq"in heyətində son 2 oyunda 3 qol vurması barədə danışıb.
QOL.az xəbər verir ki, o, 29-cu turda "Kayzerlautern"lə matçda (1:2) bir, 30-cu turda "Paderborn"la görüşdə (2:3) isə iki qolun müəllifi olub. 27 yaşlı futbolçu hər iki matçda əsas heyətdə meydana çıxıb.
Emreli Almaniyanın "Clubfokus" nəşrinə müsahibəsində bu oyunlarda qol vurmasına baxmayaraq, təvazökar fikirlər səsləndirib: "Məni təbrik etmək üçün əsas yoxdur. Çünki xalsız qaldıq və sevinə bilmirik".
Nəşr yazır ki, Mahir topu özündə çox saxlamağı və hücumun dərinliyinə qədər getməyi xoşlayan oyunçudur. Amma "Paderborn"la oyunda bu, onun üçün demək olar qadağan olunmuşdu. Çünki yeganə hücumçu kimi oynayırdı. Emreli bu haqda danışarkən deyib: "Topu tez-tez almamaq cəhənnəmə bənzəyirdi. Amma əlbəttə, mən məşqçilərin tapşırıqlarına əməl edirdim".
Emreli Almaniya təmsilçisi "Herta"nın onunla maraqlanması və "Nürnberq"dəki gələcək karyerası barədə suala belə cavab verib: "Mən həqiqətən öz gələcəyim haqda heç nə bilmirəm. İndi tam olaraq qarşıdakı matçlara köklənmişəm və bütün gücümü ortaya qoymağa çalışıram. Mən göstərmək istəyirəm ki, nəyə görə buradayam".
Yayda "Nürnberq"lə müqaviləsi başa çatacaq futbolçu danışıqlar getdiyini deyib: "Amma bu, mənim işim deyil. Bunun üçün agentlər var. Onlar öz işini meydandan kənarda, mən isə meydanda görürəm".
Qeyd edək ki, M.Emreli bu mövsüm "Nürnberq"in heyətində Almaniya 2-ci bundesliqasında 20 oyuna 6 qol vurub, 1 qolun ötürməsini edib. O, daha bir dəfə isə kubok matçında fərqlənib.
Azərbaycan millisi Andorraya qalib gəldi
“Kamp Nou”nun tam hazır olacağı tarix açıqlandı
Emin Mahmudova xüsusi hədiyyə təqdim olundu - Şəkillər
“Turan Tovuz”un futbolçusunun yığması uduzdu
Stas Pokatilov millidə növbəti oyuna çıxdı
Andorra - Azərbaycan: Heyətlər
“Real”a keçə bilər
"Qaradağ Lökbatan"ın 7 qollu qələbəsindən - Video
“Qalatasaray”ın ev oyunu stadionu dəyişdirildi
“Qaradağ Lökbatan” və “Şirvan”dan böyükhesablı qələbə
Ukrayna millisinin baş məşqçisi Kaşuku təriflədi
İngiltərə klubunda yeni baş məşqçi
Ronaldonun oğlu U-17 millisində debüt etdi
Ançelotti onu istefaya çağıran Romarioya cavab verdi
Portuqaliya millisindən ayrıldılar
“Xankəndi” tarixi oyuna hazırlaşır - Müsahibə
Lukaku milli karyerasını başa vurdu
Yassin Benzia bu kluba keçdi
Yamal onu təhqir etdi