12:05
"Yüzfaizli qol epizodlarımız oldu. Dəyərləndirə bilərdik, amma futboldur, olur. Bizim planlarımızı daha çox tez buraxdığımız qol pozdu".
QOL.az xəbər verir ki, bu sözləri Azərbaycan millisinin üzvü Mahir Emreli Haiti ilə Sumqayıtda keçirilən yoldaşlıq görüşündən sonra "CBC Sport"a açıqlamasında deyib.
O, 0:3 hesablı məğlubiyyəi belə şərh edib: "Məşqlərdə sırf rəqibi necə qarşılayacağımızla bağlı çalışırdıq. İntizamlı, komanda şəklində oynamağı planlaşdırırdıq. Amma buraxdığımız qol planları pozdu. Bundan sonra irəli atıldıq. Həm də ev oyunumuz olduğuna görə rəqibə təzyiq etmək istədik. Amma arxa xətdə boşluqlara yol verdik və qollar buraxdıq. Əsas odur ki, bunun yoldaşlıq oyunu olduğunu anlayaq. Məşqçimiz yeni üsullardan istifadə etdi, yeni oyunçuları sınadı. Gənc oyunçular üçün də yeni bir təcrübə idi. Uşaqlar əlindən gələni etdilər. Bir az çətin dönəmdə oynayırıq. Ramazan ayıdır. Futbolçular oruc tutmalarına baxmayaraq, makismum güclərini ortaya qoydular".
27 yaşlı hücumçu Belarusla qarşıdan gələn yoldaşlıq oyununda səhvləri aradan qaldırmalı olduqlarını qeyd edib: "Səhvlərimizi analiz edib Belarusla oyuna daha düzgün şəkildə hazırlaşmalı və qələbə üçün oynamalıyıq".
M.Emreli əvəzlənərkən millinin baş məşqçisi Fernandu Santuşla aralarında olan dialoqdan da danışıb: "Santuş dedi ki, oyunun yaxşı idi. Özümü hansı mövqedə daha yaxşı hiss etdiyimi soruşdu. Bir az o barədə danışdıq. Sıf taktiki baxımdan söhbət etdik".
M.Emreli Almaniyanın 2-ci bundesliqa təmsilçisi "Nürnberq"dən ayrılacağı ilə bağlı bir müddət əvvəl yayılan xəbərlərə də münasibət bildirib: "O barədə mütləq bir gün açıqlama verəcəm. Bu açıqlama yəqin ki, yayda olacaq. Amma onu deyim ki, söylənənlərdən çoxu həqiqəti əks etdirmir. Hər şey deyilən kimi deyil. Orda problem futbolla bağlı deyil. Tam başqa problemlərdir. Bu da normaldır. Futbol artıq bir biznesə çevrilib. İndi sadəcə sakitliyimi qoruyub, yaya kimi dözməliyəm. Bundan sonra isə qərarımı verəcəm".
“Liverpul” və “Qarabağ” oyuna bu heyətlə çıxır
"Real" ərəblərdən futbolçu transfer edə bilər
UEFA PAOK-un müraciətini rədd etdi
La Liqanın ən yaxşı baş məşqçisi bəlli oldu
"Çelsi"dən getdi
Sabiq "Liverpul"lu "Ayntraxt"ın yeni baş məşqçisi ola bilər
Dünya futbolunda transfer məbləği rekord həddə çatdı
Abbasqulu Şadlinski Azərbaycan çempionu oldu
"Qarabağ" bu mövsümün ən böyük kəşfidir"
PSJ-dən həm yaxşı, həm pis xəbərlər var
"Şamaxı"da növbəti transfer - Rəsmi
Premyer Liqa klubunun qapıçısı mövsümü başa vurdu
"Arsenal"dan getməyi düşünmür
“Qəbələ”dən ayrılan futbolçu bu kluba keçdi
"Xankəndi"dən növbəti transfer
Ələ saldıqları futbolçunu transfer etdilər
"İnter"in zədəlisinin durumu açıqlandı
Adama Traorenin yeni klubu açıqlandı
DÇ-2026 üçün viza nəzarətini gücləndirdilər
