01:00
“Maraqlı oyun alındı. Yeni futbolçuları meydançada görmək şansımız da oldu. Məncə, pis təsir bağışlamadılar. Bu gün elə bir komandayıq ki, qollar vurmalıyıq. Epizodlar yaxalayırıq, lakin reallaşdırmada bir qədər problemlərimiz var. Düşünürəm ki, hər hissədə 3-4 epizodda şans bizim tərəfimizdə deyildi. Hər şey qabaqdadır. İrəli baxmaq lazımdır”.
QOL.az xəbər verir ki, bu sözləri “Kəpəz”in baş məşqçisi Azər Bağırov Azərbaycan kubokunun 1/4 final mərhələsinin ilk oyunu çərçivəsində “Neftçi”yə 0:2 hesabı ilə uduzduqları görüşdən sonra deyib.
O, hücum xəttində şans verdiyi yeni futbolçulardan razı qaldığını bildirib: “Həmin oyunçuların keyfiyyətini, nəyə qadir olduqlarını bilirdik. Məsələn, Trent Buhagiar komandaya yeni qoşulub. Şevroni Mabatşoev da həmçinin. Sadiq Şəfiyev də iki gündür düşərgəmizdədir. Oyunçuları yoxlamaq baxımından kubok bir şans idi. Həm də onlara güvənimizi göstərməliydik. Pis təsir bağışlamadılar. Məncə, bu gün həmin futbolçuları qazandıq. Çünki qarşıda 15 tur, eləcə də kubokun cavab matçı var. Bu oyunçuların hansı keyfiyyətdə olmaqları bizim üçün vacibdir. İmkan yaratmaq lazımdır ki, öz bacarıqlarını nümayiş etdirsinlər”.
Azər Bağırov ölkə çempionatı ilə bağlı qəbul olunan yeni qərarlara müsbət yanaşdığını söyləyib: “Ola bilər ilkin anda qərarlar ictimaiyyətdə həm qıcıq yaradırdı, həm də anlaşılmazlıq. Lakin düşünürəm ki, bundan sonra daha da yaxşı olacaq. Komanda sayının artması ilə oynaya biləcək futbolçular birmənalı şəkildə meydanda olacaqlar. Çünki bütün komandalar 11 legionerlə meydana çıxmayacaq. Yerli futbolçular da şans qazanacaqlar. Üstəlik, azərbaycanlı futbolçulara görə AFFA tərəfindən ödənişlər də nəzərdə tutulub. Düşünürəm ki, yaxşı olacaq. Komanda sayı ildən ilə artsa, çempionatımız daha da güclənər”.
“Premyer Liqanın sonuncusu ilə I Liqanın üçüncüsünün pley-off oynayacağı deyilir. Bu cür söz-söhbətlər motivasiya baxımından komandanız üçün nə qədər problem yarada bilər?” sualını “Kəpəz”in baş məşqçisi belə cavablandırıb: “Yaxşı vurğuladınız ki, bu, söz-söhbətdir, qərar deyil. Qərar olduqdan sonra müzakirə aparmaq mümkündür. Bu gün sadəcə ehtimaldır. İndi yalnız komanda sayı artırılıb, bu da sevindirici haldır”.
Mütəxəssis legioner limitinin ləğvinə baxmayaraq, azərbaycanlı futbolçuların da oynamaq şansı qazanacağını düşünür: “Bu gün biz icra edən orqanıq. Məşqçinin işi verilən qərarlara uyğun işləməkdir. Üstəgəl, niyə “Kəpəz”də əsas heyətdə yerli futbolçu olmasın? Komanda Premyer Liqada qalarsa, heyətdə yerli futbolçular da olacaq, onlardan istifadə edəcəyik. Çünki mənə elə gəlir ki, Azərbaycanda kifayət qədər potensiallı, istedadlı futbolçu var. Biz də öz töhfəmizi verərik”.
Millimiz İslandiyada - Şəkillər
"Beşiktaş"dan yeni transfer
“Fənərbaxça” Aktürkoğlunun transferini açıqladı
"Qarabağ"ın futbolçusu Çexiya və Xorvatiyaya qarşı oynayacaq
Gündoğan "Qalatasaray"a keçəcəyini təsdiqlədi
"Qızıl Top"u istəmədiklərini deyənlər yalan danışır"
"Real"ın sabiq oyunçusu İtaliya A Seriyasında
"Zirə" rəhbərliyi yüksək bal toplayan futbolçusu ilə görüşdü
"Xankəndi"dən İbrahim Uzunca ilə bağlı yeni qərar
"Yuventus"dan daha bir transfer
"Sabah" Avstriyada ikinci oldu
"Benfika"dan hücumçu transferi
"Liverpul" Elliotu "Aston Villa"ya göndərdi
Aleksandr Zinçenko bu kluba keçdi
"Yuventus" Kosovo millisinin üzvünü aldı
"Qarabağ"ın daha bir rəqibindən yeni transfer
Misli Premyer Liqasında ayın ən gözəl 5 qolu - Video
Xavi "Bayer"ə yenə "yox" dedi
"Mançester Siti" Donnarummanı aldı - Rəsmi
Manuel Akanji "İnter"də
Tanınmış futbolçu klubsuz qaldı
"İnter" Pavarı icarəyə verdi
Ederson "Mançester Siti"ni tərk edib Türkiyə klubuna keçdi
Millimiz İslandiyaya yollandı - Şəkillər
"Sabah"ın UEFA Gənclər Liqasındakı rəqibi məlum oldu
La Liqada ən bahalı transferlər hansılardır?
"Liverpul" İsakın transferini açıqlayıb
"Fənərbaxça"nın futbolçusu La Liqa klubunda
“Qarabağ” üçün transferdə son gün
Fransa çempionatında yayın ən bahalı transferləri
"İmişli"nin futbolçuları azarkeşlərlə görüşəcəklər
"Milan" Fransa millisinin üzvünü transfer etdi
Marko Asensio "Fənərbaxça"da - Rəsmi
Millimiz DÇ-2026 matçları üçün məşqə çıxdı - Şəkillər
Gürcüstan millisinin üzvü La Liqa klubunda
"Sabah” - “İmişli” oyununda xüsusi qonaq
"Yuventus"dan "Atletiko"ya
"Liverpul"dan yeni transfer
PSJ-nin futbolçusu "Tottenhem"də
Asim Xudiyevə UEFA-dan növbəti təyinat
