30.12.24
Bu gün Paris-2024 Yay Olimpiya Oyunlarında 11-ci gündür.
QOL.az xəbər verir ki, bu gün Azərbaycanın 4 idmançısı yarışda mübarizə aparacaq.
Taekvondo
Azərbaycan taekvondoçusu Qaşım Maqomedov 1/8 finalda İrlandiya təmsilçisi Cek Uolleylə üz-üzə gələcək. Qaşım Maqomedov Avropa çempionudur. O, həmçinin qitə çempionatında 1 bürünc, Avropa Oyunlarında 1 bürünc, İslam Həmrəyliyi Oyunlarında isə 1 gümüş və 1 bürünc medal qazanıb. Cek Uolley Avropa çempionatının və Avropa Oyunlarının gümüş mükafatçısıdır.
Görüş Bakı vaxtı ilə saat 13:48-də başlayacaq.
Güləş
Yunan-Roma güləşçilərimizdən əvvəlcə Həsrət Cəfərov (67 kq) 1/8 finaldan mübarizəyə qoşulacaq. O, A xalçasının 3-cü görüşündə Mohamed ELsayedlə (Misir) üz-üzə gələcək.
Həsrət ikiqat Avropa çempionu, dünya çempionatının gümüş və bürünc mükafatçısıdır. Elsayed isə Afrika çempionatının beşqat qalibidir.
A xalçasında yarışların saat 13:00-da başlaması nəzərdə tutulur.
Digər güləşçimiz Rafiq Hüseynov (87 kq) 1/8 finalda, C xalçasının 10-cu görüşündə David Losonçi (Macarıstan) ilə qarşılaşacaq. Rafiq dünya çempionu və üçqat Avropa çempionudur. Onun rəqibi də 1 dəfə dünya çempionu adına yiyələnib.
C xalçasında yarışlara saat 13:00-da start veriləcək.
Ölkəmizi yunan-Roma güləşində təmsil edən digər idmançımız Sənan Süleymanov isə bürünc medal uğrunda görüşdə qüvvəsini sınayacaq. 77 kq çəki dərəcəsində yer alan Sənanın rəqibinin adına təsəlliverici görüşlərdən sonra aydınlıq gələcək.
20:15-dən etibarən əvvəlcə digər çəki dərəcələri üzrə yarımfinal qarşılaşmaları, sonra isə Sənanın da çəkisində medalllar uğrunda yarışlar başlayacaq.
Avropa Liqasının ağası
DÇ-2026-nın reklam çarxında yer aldı, azarkeşlər qınadı
Premyer Liqanın ən gənc çempionu oldu
Dembele "Arsenal"a qarşı oynayacaq
Kukurella "Çelsi"dən gedəcək?
"Arsenal" Artetaya yüksək maaş təklif edə bilər
Millinin təlim-məşq toplanışı ləğv edildi
Mourinyo Vinisiusla bağlı nə düşünür?
"Arsenal" çempionluq paradı keçirəcək
Türkiyə kubokunda finalın hakimləri açıqlandı
Son üç mövsümün bombardirləri kimlərdir?
UEFA milli komandalar üçün yeni format müəyyənləşdirdi
Meydanı özbaşına tərk edən bölgə klubu cəzalandırıldı
1-ci liqanın çempionu cərimələndi
AFFA-dan "Sabah" və "Neftçi"yə cəza
“İmişli”də yeni müqavilə
Son üç mövsümün 10 bombardiri
11 illik dövrün sonu
