30.12.24
Azərbaycanın Yunan-Roma güləşi üzrə milli komandasının üzvü Sabah Şəriəti bu gün Paris-2024-də mübarizəyə başlayıb.
QOL.az xəbər verir ki, 130 kq. çəkidə yarışan Rio-2016 Olimpiadasının bürünc mükafatçısı olan Sabah Şəriəti (35 yaş) 1/8 finalda Estoniya güləşçisi Heiki Nabi (39 yaş) ilə qarşılaşıb.
Nabi 2006 və 2013-cü ildə dünya çempionatında qızıl, 2012 London Olimpiadasında isə gümüş medal qazanıb.
Görüş Şəriətinin qələbəsi ilə başa çatıb. O, 1/4 finala vəsiqə qazanıb. Bu mərhələdə onun rəqibi Qazaxıstan güləşçisi Alimxan Sızdıkov (Asiya çempionu, 2022-ci il) olub. Şəriəti bu görüşdə də qalib gələrək (4:0) 1/2 finala yüksəlib.
Yarımfinalda onun rəqibi dördqat Olimpiya, beşqat dünya çempionu Kuba idmançısı, 41 yaşlı Lopez Nunyes olub. Lopez 4:1 hesabı ilə qalib gələrək 5-ci dəfə Olimpiya Oyunlarının finalına yüksəlib. Şəriəti isə bürünc medal uğrunda yarışacaq.
Sabah Bakı vaxtı ilə saat 20:15-dən etibarən digər bir neçə cəki dərəcəsi üzrə yarımfinal görüşləri, bundan sonra isə medal uğrunda qarşılaşmalar başlayacaq.
Alleqri cəzalandırıldı
Yamal "Barselona"nın ÇL matçını da buraxacaq
"Liverpul"la "Mançester Siti" onu hədəflədilər
"Qarabağ" "Benfika" ilə oyuna bu heyətlə çıxır
Millimiz Moldovaya qalib gəldi
"Göygöl"dən qələbə, "Qaradağ Lökbatan"dan darmadağın
Məşqçisi olduğu ən yaxşı futbolçuları açıqladı
“Barselona” bəyanat yaydı
