16:11
Mediada "Qarabağ"ın sabiq qapıçısı Şahruddin Məhəmmədəliyevi geri qaytaracağına dair xəbərlər yayılıb. Bugünlərdə "Adana Demirspor"dan (Türkiyə) ayrılan 30 yaşlı qolkiperin yeni mövsümdən karyerasını yenidən Ağdam klubunda davam etdirəcəyi bildirilib.
QOL.az-a daxil məlumata görə, həqiqətən də tərəflər arasında danışıqlar olub və tezliklə Ş.Məhəmmədəliyev "Qarabağ"la müqavilə imzalayacaq. Baş məşqçi Qurban Qurbanovun Şahruddini geri qaytarmaq istəməsinin isə bir sıra səbəbləri var.
Məlum olduğu kimi, ötən mövsüm başa çatdıqdan sonra Andrey Lunyov və Luka Quqeşaşvili ilə başa çatan müqavilə yenilənməyib. Bu yaxınlarda Portuqaliya yüksək liqa təmsilçisi "Vizella"dan Almaniya vətəndaşlığı olan Fabiyan Buntiç heyətə cəlb olub. "Qarabağ" ikinci əcnəci qapıçı axtarışında olduğu vaxtda isə yerli qapıçı olan Amin Ramazanov ağır zədə alıb və 8 ay müddətinə sıradan çıxıb. Bu o deməkdir ki, yeni mövsüm Ramazanov üçün faktiki indidən başlamadan başa çatıb.
"Qarabağ"ın Şahruddini yenidən qaytarmasının əsəs səbəbi də çempionatda tətbiq olunan yerli oyunçu limiti ilə bağlıdır. Yeni mövsüm daha rəqabətli olacağından baş məşqçi Q.Qurbanov Şahruddinə əsasən daxili liqanın oyunlarında şans verməyi düşünür. Avropa kuboklarında isə qapını ya Fabiyan Buntiç, ya da transferi gözlənilən başqa bir təcrübəli əcnəbi qapıçı qoruyacaq. Həmin əcnəbi qapıçı ilə də tezliklə müqavilə imzalanmalıdır.
Əldə etdiyimiz xəbərə görə, ümumiyyətlə, yeni mövsümdə "Qarabağ"ın qapıçı mövqeyində daha güclü rəqabət olacaq. Hələlik Şahruddin ikinci qapıçı kimi düşünülür. Amma əlbəttə, gələcəkdə rəqabətdə kim birinci olacaqsa, o da qapını qoruyacaq.
QOL.az-a daxil olan başqa bir xəbərə görə, Şahruddinə "Sabah" və "Neftçi" də real təklif göndərib. Lakin futbolçu yekunda sabiq klubu "Qarabağ"a qayıtmağı üstün tutub.
Bugünlərdə Xorvatiya mətbuatı Mahir Emrelinin "Dinamo"dan (Zaqreb) ayrılaraq "Qarabağ"a qayıdacağını yazıb. Amma bununla bağlı xəbərlər həqiqəti əks etdirmədiyi də əldə etdiyimiz etibarlı məlumat sırasındadır.
Yeni transferlərə gəlincə, "Qarabağ" bu yay heyətinə əlavə iki qapıçı ilə yanaşı bir neçə meydan oyunçusu da cəlb etmək fikrindədir. Klubun sponsoru "Azersun" Holdinq tərəfindən bunun üçün tələb olunan vəsait də ayrılıb. Yekun söz isə baş məşqçi Qurban Qurbanovdadır. "Qarabağ"ın uğurlarının memarı olan 52 yaşlı mütəxəssis ötən illərdə olduğu kimi transfer məsələsinə həssas yanaşır, tələsik qərar vermək istəmir və sırf görüntü xatirinə oyunçu almaq fikrində deyil.
Çünki digər bir neçə Azərbaycan klublarının acı təcrübəsindən də göründüyü kimi, belə lazımsız transferlərdən yekunda komanda özü ziyan çəkib. "Qarabağ"ın transferləri isə böyük mənada özünü doğruldub və bütövlükdə kluba fayda gətirib.
Azərbaycan güləşçisindən bürünc medal - Dünya çempionatı
"Ən yaxşı oyunlarımızdan birini göstərəcəyik" - Kadi
"Benfika"ya qarşı çəkinmədən oynayacağıq" - Qurban Qurbanov
"Şəmkir" 3 xalı 3 qolla qazandı - Video
Dünya çempionu 31 yaşında karyerasını bitirdi
"Şəmkir" 2-ci oyunda da qalib gəldi
"Panatinaikos" Ruy Vitoriyanı istefaya göndərdi
"Benfika"ya qol vuracağımı hiss edirəm" - Leandro Andrade
“Mən sağ və salamatam”
"Qarabağ" və "Neftçi"nin sabiq məşqçisi istefaya göndərildi
1-ci liqada 3-cü turun oyunlarının saatı müəyyənləşdi
Misli Premyer Liqasında 6 oyunun hakimləri açıqlandı
“Benfika”nın baş məşqçisi “Qarabağ”la oyundan danışdı
FİFA-dan yeni qərar
"Qarabağ"la oyunu buraxa bilərlər
"İmişli"nin icraçı direktoru: "Texniki məğlubiyyət alsaq, apellyasiya şikayəti verəcəyik"
"Baş məşqçilik edə biləcəyim yeganə klub "Real"dır"
Levandovski 150-yə çatdı
AFFA rəsmisi UEFA Gənclər Liqasının oyununda
"Kəpəz" 1000-ci oyununa çıxdı
Amorim: "Dəyişmək fikrində deyiləm"
40 yaşında qol vurdu, 64 illik rekordu yenilədi
"Şamaxı" üçün əlamətdar oyun
Salahdan "Liverpul" tarixinin rekordu
“Turan Tovuz”da ilk
Dördüncü uğursuz start
Ronaldo Səudiyyə Ərəbistanında "Qızıl buts"a layiq görüldü
"Liverpul"un son dəqiqə qolu ilə qələbəsindən - Video
