Kumandan vida sözləri

Kumandan vida sözləri
ÖLKƏ FUTBOLU 11 İyul 2024 / 11:07 3982
-  A +

Niderland millisinin baş məşqçisi Ronald Kuman Avro-2024-ün yarımfinalında İngiltərəyə uduzaraq (1:2) turnirdə mübarizəni dayandırmaqları haqqında danışıb.

QOL.az UEFA-nın saytına istinadən xəbər verir ki, mütəxəssis yarışla vidalaşarkən komandası ilə fəxr etdiyini də deyib:

“Mən gələcəyə əminəm. Bu komanda daha yaxşı çıxış edə bilər. Bizim çoxlu gənc futbolçularımız var. Biz birlikdə yaxşı işlədik, finala yaxınlaşdıq. Mən bu komanda ilə fəxr edirəm.

İngiltərə ilk yarıda yarımmüdafiədə bizə problem yaratdı. Matça daha bir yarımmüdafiəçi daxil etdik. Bundan sonra oyun bərabərləşdi. Amma son 20 və ya 25 dəqiqədə mən hiss etdim ki, biz daha yaxşı oynayırıq. Amma rəqib gözəl qol vurdu. Bu, futboldur. Bəlkə də əlavə vaxta layiq idik... Biz oyunçularımız və milli komandamızla fəxr edə bilərik, çünki əla turnir keçirdik”.

Qeyd edək ki, Avro-2024-ün final oyununda İngiltərə millisi İspaniya ilə qarşılaşacaq. Turnirin finalı iyulun 14-də keçiriləcək. 

Daha çox


Son xəbərlər