Son illərdə “Qarabağ” avrokuboklardakı inamlı çıxışı ilə azarkeşlərin könlündə taxt qurub. Dünən “Park Bulvar”da Ağdam klubunun fan-şopu önündə təşkil edilən azarkeşlərlə görüş və ya forma imzalama mərasimi də bunu bir daha təsdiqlədi.
"Park Bulvar” tarixinin ən izdihamlı gününü yaşadı. Məncə, heç ticarət mərkəzinin özünün, yaxud “Qarabağ”ın burada yerləşən fan-şopunun açılışına bu qədər azarkeş toplaşmamışdı. Acı da olsa, deməliyik ki, heç “Qarabağ”ın ölkə çempionatındakı hər oyununa da bu qədər azarkeş gəlmir. Təxminən iki minə yaxın şəxs sevimli klubunun futbolçularını görmək, forma imzalatdırmaq, şəkil çəkdirmək üçün tədbirə yığışmışdı.
Tədbirin 18:30-da başlayacağı bildirilsə də, artıq 17:00-dan fanatlar fan-şopun önünə yığışmışdılar. 18:00-da hadisə yerində cəmləşən “Qarabağ”lı fanatların sayı mini keçmişdi. Az sonra növbəti ilə Bəhlul Mustafazadə, Musa Qurbanlı və Abdullah Zubir tədbirdəki yerini aldı. Kevin Medina və Juninyo sonradan komanda yoldaşlarına qoşuldu. Bu cür tədbirlərin 1 nömrəli aparıcısı olan Sənan Şəfizadə yenə də stadionda olduğu kimi, azarkeşləri coşdururdu. Onu da deyək ki, fanatlar tədbirə qatılan hər 5 futbolçuya sevgilərini bildirdilər, onları alqışlarla qarşıladılar. Lakin komandanın “vuran ayağı” Juninyonun qarşılanması daha coşqulu idi. Braziliyalının gəlişi zamanı “Park Bulvar” sözün yaxşı mənasında dağılırdı, Juninyo, Juninyo sədaları qulaq batırırdı.
Təəssüf ki, tədbir yekunlaşmadı. İnsan selinin qarşısını almaq heç cür mümkün olmadı. İki dəfə fasilələrlə futbolçular forma imzalasalar da, izdihamın qarşısını almaq mümkünsüz idi. Bu səbəbdən də tədbir yarımçıq dayandırıldı. Buna görə kimisə qınamaq da olmaz. Hər halda “Qarabağ” sevgisi artıq hansısa ticarət mərkəzinə sığmayacaq qədər böyüyüb. Odur ki, növbəti dəfə bu cür tədbir üçün daha böyük məkan seçilməlidi. Bu, stadion da ola bilər...
Dünən böyük ehtimalla, “Qarabağ”ın fan-şopu da rekorda imza atdı. İmzalanma mərasimi üçün satışa çıxarılan formalar qısa zamanda satıldı. Futbolçuların məkanı tərk etməsindən yarım saatdan çox vaxt keçsə də, azarkeşlər hadisə yerindən ayrılmaq bilmirdilər. Hətta fan-şopun önündə forma gözləyənlər də vardı. “Futbolçular qayıdacaqlar?”, “Gələn dəfə yenə belə tədbir olacaq?”, “Bəs mən formamı necə imzalatdırım?” kimi suallarla azarkeşlər gah tədbirin aparıcısı Sənan Şəfizadəni, gah da “Qarabağ”ın mətbuat xidmətinin rəhbəri Anar Hacıyevi əhatəyə alırdılar...
Dünən həm də özüm üçün “Qarabağ”ın direktoru Əmrah Çəlikəli kəşf etdim. Bu günə qədər haqqında kifayət qədər müsbət fikir eşitsəm də, Əmrah bəylə heç vaxt yaxından tanışlığımız olmayıb. İlk diqqəti çəkən o oldu ki, Çəlikəl o izdihamda kənarda durmadı, sıravi işçi kimi önə atıldı, son ana qədər tədbirin yekunlaşması üçün çalışdı. Fiziki qüsurlu bir azarkeşə jesti isə sadəcə alqışalayiq idi. İnsan selinin içərisində həmin azarkeş üçün futbolçulara forma imzalatdırmaq, şəkil çəkdirmək şəraiti yaratdı. Bu, kiməsə adi görünə bilər. Amma tədbirdə eyni hərəkəti edə biləcək N qədər şəxs olsa da, həmin azarkeşi görən, ona diqqət ayıran məhz Əmrah Çəlikəl oldu...
İbrahim Cəfərov, Futbolxeber.az
"Liverpul"da ayrılıq
"Uşağın futbolçu kimi yetişməsi üçün meydança ilə iş bitmir"
Avropa çempionatının son günündə 3 gümüş, 1 bürünc medal
"Turan Tovuz"dan 13:0 hesablı qələbə
Ərdoğan: "Merih Dəmirala verilən cəza siyasidir"
“Mançester Siti” Kevin de Brüyneyə qiymət qoydu
"Qarabağ"ın U-16 komandası beynəlxalq turnirin qalibi oldu
"Sumqayıt" "Orenburq"a uduzdu
Məşhur futbolçu karyerasını başa vurdu
İspaniya - Fransa oyununa hakim təyinatları açıqlandı
"Səbail" albaniyalı futbolçu transfer etdi
Xames Messinin rekordunu təkrarladı
Karlos Jatoba Bakını bəyənib
İndi ən vacib xəbərlər telefonunuza gələcək!
Namibiya millisinin üzvü “Şamaxı”da
Kroosun həyat yoldaşından təsirli paylaşım
“Kaş geri çəkilməyə idik” - Çalhanoğlu ağladı
Uruqvay Braziliyanı penaltilərlə məğlub etdi - Video
"Sumqayıt" braziliyalı futbolçu transfer etdi
"Turan Tovuz"un müdafiəçisi Kolumbiyaya qarşı oynadı
"Bütün futbolçularımın alnından öpməliyik" - Montella
"Sumqayıt"dan ayrılıb Danimarka klubuna keçdi
Yarımfinalçılar bilindi, Braziliya vidalaşdı
Türkiyənin Avro-2024-də son oyunu - Video
Ərdoğan millinin paltardəyişmə otağında - Şəkillər
Niderland - Türkiyə matçının ən yaxşısı
Avro-2024-də yarımfinal cütləri və tarixi
İngiltərə - İsveçrə - Video
Yapon futbolçu "Sumqayıt"dan ayrıldı
Rəcəb Tayyib Ərdoğan Niderland - Türkiyə oyununda - Şəkillər
"Sabah" Sloveniya toplanışına qələbə ilə başladı
Avropa çempionatında Xetaq qızıl, Vasif gümüş medal qazandı
Niderland - Türkiyə oyunu üçün start heyətlər
Ronaldo: "Portuqaliya daha yaxşısına layiq idi"