"Ola bilər ki, millinin bu oyunu Azərbaycanın digər şəhərində keçirilsin"

"Ola bilər ki, millinin bu oyunu Azərbaycanın digər şəhərində keçirilsin"
ÖLKƏ FUTBOLU 11 İyun 2024 / 11:33 2437
-  A +

Noyabrda Bakıda keçiriləcək mötəbər COP-29 tədbiri ilə əlaqədar Azərbaycan milli komandasının Estoniya ilə ev oyununun məkanı dəyişdirilə bilər.

QOL.az xəbər verir ki, bu barədə jurnalistlərə AFFA-nın icraçı vitse-prezidenti Sərxan Hacıyev bildirib.

UEFA Millətlər Liqasının Azərbaycan - Estoniya matçının noyabrın 16-da Bakıda keçirilməsi nəzərdə tutulub. Lakin həmin vaxtda Azərbaycan paytaxtında BMT-nin mühüm tədbirinin təşkili ilə əlaqədar həmin görüşün məkanının dəyişdirilməsi ehtimalı yüksəkdir. 

Sərxan Hacıyevin sözlərinə görə, bu məsələni Estoniya Futbol Federasiyasının rəhbətliyi ilə də müzakirə ediblər: "Daxildə də müzakirələr gedir. Hazırda konkret qərar yoxdur. UEFA ilə də danışıqlar gedir. COP-29 irimiqyaslı tədbirdir. Oyunu Bakıda keçirmək real görünmür".

AFFA rəsmisi bildirib ki, oyunların yerini dəyişmək məsələsi olub: "Lakin Estoniya tərəfi hava şəraitinə görə bunun onlara uyğun olmadığını bildirdi".

S.Hacıyev alternativ variantlar barədə də danışıb: "Hazırda müxtəlif yöndə danışıqlar gedir. Ola bilər ki, matç Azərbaycanın digər şəhərində keçirilsin. Xüsusi icazə ilə Bakıda və ya yaxın ərazilərdən birində keçirilmək də müzakirə olunur. Hələ ki, danışıqlar davam edir".


Son xəbərlər