Miodraq Bojoviç: "Bəziləri asan qələbə qazandığımızı deyə bilər"

Miodraq Bojoviç: "Bəziləri asan qələbə qazandığımızı deyə bilər"
ÖLKƏ FUTBOLU 13 Aprel 2024 / 21:30 2481
-  A +

"Bəziləri asan qələbə qazandığımızı deyə bilər. Biz düşünürdük ki, qol vuracağıq. Lakin daha erkən qol vurmağımız, fasilə ərəfəsində də hesabı 2:0 etməyimiz oyunçulara güvən və rahatlıq verdi. Oyunu nəzarətimizdə saxlaya bildik. İkinci hissədə də şanslarımız və səhvlərimiz var idi. Ümumən, oyun yaxşı keçdi".

QOL.az xəbər verir ki, bu sözləri "Neftçi"nin baş məşqçisi Miodraq Bojoviç Misli Premyer Liqasının 30-cu turunda "Araz-Naxçıvan"a 3:0 hesabı ilə qalib gəldikləri oyundan sonra keçirilən mətbuat konfransında deyib.

"Tamaş əsas heyətin oyunçusudur. Sadəcə "Səbail"lə oyunda zədələnmişdi. Bir neçə oyun buraxmışdı. Bərpa edildi və əsas heyət uğrunda rəqabət aparacaq. Çox sürətli şəkildə bərpa olundu" - deyə o bildirib. 

Mütəxəssis qarşılaşmanın 89-cu dəqiqəsində hesab 3:0 olarkən, etdiyi əvəzetmələrim nə ilə bağlı olması ilə əlaqədar söyləyib: "Heç kimi dəyişməyə də bilərdim. 2:0 bəzən təhlükəli olur. Amma ehtiyatdakı oyunçuları da meydana buraxmaq istədim. Hansısa əvəzetmə müsbət və ya mənfi hal kimi də yaşana bilir. Belə alındı ki, əvəzetmələri son dəqiqələrdə etdik".

Daha çox


Son xəbərlər