"Hesabın belə olacağını gözləmirdik" - Siyasət Əsgərov

"Hesabın belə olacağını gözləmirdik" - Siyasət Əsgərov
ÖLKƏ FUTBOLU 9 Aprel 2024 / 19:36 2658
-  A +

"Oyunun çətin olacağını gözləyirdik. Rəqibi təhlil etmişdik və İsveçrənin oyun keyfiyyətlərini bilirdik".

QOL.az xəbər verir ki, bu sözləri qadın futbolçulardan ibarət Azərbaycan millisinin baş məşqçisi Siyasət Əsgərov Avropa çempionatının seçmə mərhələsi çərçivəsində Bakıda İsveçrəyə uduzduqları oyundan sonra deyib.

O, 0:4 hesablı məğlubiyyəti belə şərh edib: "Görünən odur ki, keyfiyyət öz sözünü deyir. Buna baxmayaraq, komandam vuruşdu. Düzdür, bəzi komponentlərdə geri qalırıq. Bizə hələ ki vaxt lazımdır. İstəyirdik ki, doğma meydanda şansımızdan istifadə edək, amma olmadı. Bizi ən çox məyus edən hesabın belə olmasıdır. Hesabın belə olacağını gözləmirdik. Rəqib bizi səhvlərə məcbur etdi. İsveçrə millisi oyunun tempini çox qaldırmışdı. Macarıstanla oyunda da temp yüksək idi. Orada da futbolçular var güclərini sərf etmişdilər. Həm də komanda uzaq yol qət etmişdi. Yorğunluq hiss olunurdu. Bundan sonra səhvlərin üzərində işləmək və önümüzə baxmaq lazımdır".

Daha çox


Son xəbərlər