Ronaldo meydandan qalmaqallı şəkildə qovuldu - Video

Ronaldo meydandan qalmaqallı şəkildə qovuldu - Video
VİDEO 9 Aprel 2024 / 09:00 4043
-  A +

Səudiyyə Ərəbistanı Superkubokunun yarımfinal matçı - “Əl-Hilal” və “Əl-Nəsr” komandalarının görüşündə qalmaqal baş verib.

QOL.az xəbər verir ki, 86-cı dəqiqədə “Əl-Nəsr”in hücumçusu Kriştiano Ronaldo rəqibə dirsəklə zərbə vurduğuna görə birbaşa qırmızı vərəqə alıb. Portuqaliyalı meydandan qovulduqdan sonra kapitan sarğısını yerə atıb. O, meydanı tərk edərkən hakimi alqışlayıb və azarkeşləri də buna səsləyib.

“Əl-Nəsr”in baş məşqçisi Luiş Kaştru oyundan sonra keçirilən mətbuat konfransında bu epizod haqda danışarkən deyib: “Kriştiano ilə təmasdan istifadə edən rəqib sifətinə vurulan zərbədən şikayətlənib. Mən təkrara baxdım. Futbolçunun üzünə toxunma olmayıb. Fikrimcə, hakim rəqibin teatral davranışına görə qırmızı vərəqə verdi”.

“Əl-Hilal”ın portuqaliyalı baş məşqçisi Jorze Jezuş isə həmyerlisi Ronaldonun qırmızı vərəqə almasına belə münasibət bildirib: “Ronaldo dünyanın ən vacib oyunçularından biridir və çoxlarına nümunədir. Lakin o, uduzmağı sevmir. Ona görə də uduzanda başını, oyuna diqqətini itirir”.

Qeyd edək ki, “Əl-Hilal” “Əl-Nəsr”ə 2:1 hesabı ilə qalib gələrək finala yüksəlib. Həlledici görüşdə onlar “Əl-İttihad”la qarşılaşacaqlar.


Son xəbərlər