AFFA-nın Hesabat-Seçki Konfransı keçirildi - Yenilənib

AFFA-nın Hesabat-Seçki Konfransı keçirildi - Yenilənib
ÖLKƏ FUTBOLU 2 Aprel 2024 / 11:51 3480
-  A +

Bu gün AFFA-nın növbəti Hesabat-Seçki Konfransı keçirilib.

QOL.az xəbər verir ki, konfransda AFFA-ın yeni prezidenti və İcraiyyə Komitəsinin üzvləri seçilib.

Toplantıda AFFA-nın baş katibi Sərxan Hacıyev, Milli Olimpiya Komitəsinin vitse-prezidenti Çingiz Hüseynzadə, AFFA-nın Maliyyə və Mühasibatlıq Departamentinin rəhbəri Xalid Cavadov,  UEFA İcraiyyə Komitəsinin üzvü Servet Yardımçı,  FİFA-nın Avropa Milli Assosiasiyaları Departamentinin direktoru Elxan Məmmədov çıxış ediblər.

Sonra seçki keçirilib. Son 16 ildə AFFA-ya rəhbərlik etmiş Rövnəq Abdullayev namizədliyini irəli sürməyib. Bu dəfə yeganə namizəd SOCAR-ın prezidenti Rövşən Nəcəf olduğundan o, AFFA-nın növbəti prezidenti seçilib. Beləliklə, R.Nəcəf Fuad Musayev, Ramiz Mirzəyev və Rövnəq Abdullayevdən sonra AFFA tarixində 4-cü prezident olub.

Bundan başqa konfransda AFFA İcraiyyə Komitəsinin yeni tərkibi də təsdiqlənib. İK yeni üzvlləri aşağıda adları qeyd edilən şəxslər olub (alnernativ namizədlər yoxdur):

Peşəkar Futbol Liqası İctimai Birliyi – 5 yer

1. Səməd Qurbanov – "Neftçi" PFK tərəfindən

2. Fərid Mansurov – Peşəkar Futbol Liqası İctimai Birliyi tərəfindən

3. Xəyal Cəfərov – "Sumqayıt" FK tərəfindən

4. Qurban Qurbanov – "Qarabağ" FK tərəfindən

5. Maqsud Adıgözəlov – "Sabah" FK tərəfindən

Regional Futbol Federasiyaları İctimai Birliyi – 3 yer

1. Elşad Nəsirov – Qərb Regional Futbol Federasiyası İctimai Birliyi tərəfindən

2. Balakişi Qasımov – Şimal Regional Futbol Federasiyası İctimai Birliyi tərəfindən

3. Sərxan Hacıyev – Regional Futbol Federasiyası İctimai Birliyi tərəfindən

İctimai Futbol Təşkilatları İctimai Birliyi – 2 yer

1. Könül Mehtiyeva – İctimai Futbol Təşkilatları İctimai Birliyi tərəfindən

2. Zaur Axundov – Ümumazərbaycan Futbolsevərlərin İctimai Birliyi tərəfindən

Sahə Futbol Federasiyaları İctimai Birliyi – 2 yer

1. Ülvi Mansurov – Azərbaycan Futzal Federasiyası tərəfindən

2. Leyla Xəlilova – Azərbaycan Tələbə Futbol Federasiyası tərəfindən

Qeyd edək ki, AFFA-nın yeni prezidenti Rövşən Nəcəf də İK-də təmsil olunacaq.

Daha çox


Son xəbərlər