15.12.25
«Qəbələ» klubunun ingiltərəli baş məşqçisi Toni Adams Rusiyanın «Sovetski sport» qəzetinə müsahibə verib. Qol.Az saytı müsahibəni ixtisarla təqdim edir.
- Mən öz qiymətimi çox gözəl bilirəm. Amma onu da dərk edirəm ki, məşqçi kimi hələ çox şeyi öyrənməliyəm. İki il əvvəl qışda İtaliyaya gedərək Mourinyonun «İnter»i necə məşq etdirməsinə baxdım. O zaman Joze dedi: «Toni, mən məşqçi kimi səndən 15 il irəlidəyəm. Sən futbol oynayanda mən van Qal və Robsonla işləyir, hər həftə onlardan nəsə öyrənirdim». Bu, doğrudur. İngiltərə mətbuatının Azərbaycana getməyimə verdiyi reaksiya isə məni təəccübləndirmədi. İndi İngiltərədə çoxları hesab edir ki, mən ağılsızam. Əslində isə ağılsızlar İngiltərə Premyer Liqasında işləyən və hər iki dəqiqədən bir qovulanlardır.
- Bu qış Rud Qullit «Terek»lə müqavilə imzaladı. Bundan xəbəriniz var?
- Əlbəttə. Buna qətiyyən təəccüblənmədim. Hazırda Rusiya çempionatında işləmək maraqlıdır. Yəqin ki, bundan sonra daha maraqlı olacaq. Mən özüm də məmnuniyyətlə Rusiyada işləmək istəyirdim. Kim bilir, bəlkə bu, «Qəbələ»dən sonra mümkün olacaq.
- Qafqazda hörmətli qonaqları həm də spirtli içkiylə qonaq edirlər. Sizə bu bölgədə işləmək çətin deyil ki?
- Mənə bunu heç təklif etmirlər. Çünki hamı gözəl bilir ki, Toni Adams içəndən sonra necə dəhşətli ola bilər (gülür). Əslində, kimsə mənimlə qeyri-rəsmi vəziyyətdə söhbət etmək istəyirsə, çay içmək olar. Burada çay çox dadlıdır. Mən artıq son 14 ildir, spirtli heç nə içmirəm. Bu il isə mənim alkoqol və narkotikadan asılı olan idmançılar üçün yaratdığım reabilitasiya mərkəzinin 10 yaşı tamam olacaq. Mən bu layihəmlə fəxr edirəm.
- Toni Adamsdan Arşavin haqda soruşmaya bilmirəm. Onu bu mövsüm çox tənqid edirlər. Siz də hesab edirsiniz ki, Arşavin xeyli geriləyib?
- Siz nə danışırsınız! Arşavin bu gün mənim «Arsenal»da sevdiyim ən yaxşı futbolçulardandır. Mən onu superfutbolçu sayıram və əminəm ki, onun hazırkı komandasına daha çox xeyiri dəyəcək. Birdə ki, onun hələ 27 yaşı var.
- May ayında onun 30 yaşı tamam olacaq, Toni.
- Neçə?..
- 30. Sadəcə, onun sifətində uşaq cizgiləri var, bu isə çoxlarını yanıldır.
- Bütün hallarda, bu, tənqid olunası yaş deyil. Görəcəksiniz, Arşavin «Arsenal»da hələ xeyli yaxşı oyun keçirəcək.
Volkanı Metin əzəzlədi
18 ildən sonra
Jardim istefa verdi
“Sumqayıt” 7 dəqiqədə 2 qol vurdu - Video
Zədəli Çalhanoğlu komandası üçün meydana çıxacaq
Bredli MLS təmsilçisinin baş məşqçisi təyin olundu
"İnter Mayami" "Real"ın sabiq oyunçusu ilə razılaşdı
Kukurelya La Liqaya qayıda bilər
"Qalatasaray" 3 futbolçusu ilə yollarını ayırır
İbrahimoviçdən Olimpiya mesajı gəldi
“İmişli” - “Karvan-Yevlax” matçından - Video
"Bavariya"nın kapitanı sıradan çıxdı
Komanda ardıcıl uduzdu, baş məşqçi istefaya göndərildi
"Neftçi" - "Sumqayıt": Heyətlər
Tanınmış futbolçu təyyarədə kobudluq etdi - Video
Saatlıda 5, Şəmkirdə 1 qol, Lökbatanda oyun baş tutmadı
"Bavariya" Noyeri itirdi
"Matçın ədalətli nəticəsi bərabərlik idi" - Füzuli Məmmədov
"Milan"da yeni müqavilə
2-ci liqada “Ayın qolu”nun qalibi mükafatlandırıldı
"Sumqayıt"ın legioneri milliyə çağırıldı
