"Mahir həftəboyu yaxşı məşq etmişdi"

"Mahir həftəboyu yaxşı məşq etmişdi"
ÖLKƏ FUTBOLU 27 Noyabr 2023 / 10:48 3549
-  A +

Xəbər verdiyimiz kimi, Azərbaycan millisinin hücumçusu Mahir Emrelinin çıxış etdiyi Zaqreb “Dinamo”su Xorvatiya çempionatının 16-cı turunda “Osiyek”i qəbul edib və 2:1 hesablı qələbə qazanıb. Bu görüşdə Mahir sona qədər ehtiyatda qalıb.

QOL.az xəbər verir ki, komandanın baş məşqçisi Sergey Yakiroviç oyundan sonra keçirilən mətbuat konfransında qeyd edib ki, Mahir Emrelinin formasından narazı deyil.

O, Yosip Drmiçin iştirak ərizəsində olmaması ilə bağlı sualı cavablandırarkən deyib: “Drmiçi siyahıdan silməmişik. Sadəcə, bu dəfə Bruno Petkoviç, Mahir Emreli və Deni Yuriç arasında seçim etməli olduq. Çünki onlar həftəboyu çox yaxşı məşq etmişdilər”.

Qeyd edək ki, sözügedən oyunda hücumçulardan Bruno Petkoviç start heyətində yer alıb, Deni Yuriç isə son dəqiqələrdə meydana çıxıb.

Mahir Emreli bu mövsüm "Dinamo"nun heyətində 21 oyuna 5 qol vurub, 5 qol ötürməsi edib.

Daha çox


Son xəbərlər
01.03.24  13:35

Sarri qovulur?

01.03.24  10:25

ETOPAZ 12 yaşında