"Azərreyl" xorvatiyalı oyunçu transfer etdi

"Azərreyl" xorvatiyalı oyunçu transfer etdi
VOLEYBOL 12 Sentyabr 2023 / 14:21 1327
-  A +

Qadın voleybolçulardan ibarət “Azərreyl”  daha bir oyunçunun transferini rəsmiləşdirib.

Qol.az klubun saytına istinadən xəbər verir ki, xorvatiyalı Katarina Pilepiçlə danışıqlar müsbət yekunlaşıb. Ölkəsinin aşağı yaş qruplarında oynamış 29 yaşlı hücumçu ilə 1 illik müqavilə imzalanıb.

183 sm boya malik voleybolçu Azərbaycandan öncə bir neçə ölkədə də legioner həyatı yaşayıb. Onun Xorvatiyada ilk peşəkar klubu “Riyeka” olub. Pilepiç 2009-2013-cü illərdə bu komandanın şərəfini qoruyub. Hücumçu ardınca ABŞ-a yollanıb. O, burada “San Fransisko Universiteti” (2013-2015) və “Arizona Universiteti”nin (2015-2016) formasını geyinib.

Pilepiç 2016/2017 mövsümündə Asiyada - Filippin klubunda çıxış edib. 2 il burada “Lifesavers”in uğurları üçün çalışan “AZƏRREYL”in yeni transferi 2018-ci ildə Avropaya qayıdıb. Katarina Yunanıstan “ AO Tiras”ına keçib. Voleybolçu ardınca Finlandiyada “Vyesti” (2019-2020) və Çexiyada “Olomouç” (2021) klublarında oynayıb. Pilepiç son 2 mövsümü isə İsraildə Hayfa “Makkabi”sinin şərəfini qoruyub.

O, 4 dəfə Xorvatiya və 1 dəfə İsrail çempionatının qalibi olub. Katarina Çexiya, İsrail və Xorvatiyada ölkə kubokunu da başı üzərinə qaldırıb. Voleybolçunun kolleksiyasında İsrail və Xorvatiya çempionatlarının gümüş, Çexiya, Yunanıstan və Filippin liqalarının bürünc medalları da var.

Pilepiç Finlandiyada və Çexiyada mövsümün ən yaxşı hücumçusu seçilib.

Daha çox


Son xəbərlər