Azərbaycanın voleybol klublarının avrokuboklardakı rəqibi müəyyənləşdi

Azərbaycanın voleybol klublarının avrokuboklardakı rəqibi müəyyənləşdi
VOLEYBOL 19 İyul 2023 / 16:38 1628
-  A +

Bu gün voleybol üzrə Çempionlar Liqası, "CEV kuboku" və "Challenge Cup" yarışlarının püşkatma mərasimi keçirilib.

Qol.az xəbər verir ki, Lüksemburqda təşkil edilən tədbirdə Azərbaycanın avrokuboklarda iştirak edən klublarının da rəqibləri bəlli olub.

Ölkəmizi qadınlar arasında "Challenge Cup"da təmsil edən "Azərreyl"in ilk rəqibi Ukraynanın "SC Balta" klubu olub. Son ölkə çempionu 1/32 final mərhələsindən mübarizəyə başlayacaq. Cütün ilk oyunu 10-12 oktyabr, ikinci matç isə 17-19 oktyabr tarixlərində keçiriləcək.

Avrokuboklarda debüt edəcək kişilərdən ibarət "Xarı bülbül Şuşa"nın rəqibi isə "TJ Spartak Myjava" (Slovakiya) klubu olub. Şuşa təmsilçisi mübarizəyə 1/32 finalda start verəcək. Komandaların birinci oyunu 24-26 oktyabr, cavab görüşü isə 31 oktyabr-2 noyabr tarixlərində keçiriləcək.

Daha çox


Son xəbərlər