İlk oyunda 0:4 uduzmuşdular, finala vəsiqə qazandılar - Video, Şəkillər

İlk oyunda 0:4 uduzmuşdular, finala vəsiqə qazandılar - Video, Şəkillər
VİDEO 19 May 2023 / 18:49 10221
-  A +

İngiltərə 1-ci liqasında (statusuna görə Premyer Liqa və Çempionşipdən sonra üçüncü liqa sayılır) pley-off mərhələsinin cavab oyunlarına start verilib.

Qol.az xəbər verir ki, “Şeffild Uensdey” Aleks Fergüsonun oğlu Darren Fergüsonun baş məşqçisi olduğu “Piterboro”nu qəbul edib. “Şeffild” ilk matçda 0:4 hesabı ilə uduzduğundan onun finala yüksəlməsi möcüzə kimi görünürdü. Amma onlar, necə deyərlər, möcüzəni gerçəkləşdirə biliblər. 

İlk 90 dəqiqə “Şeffild” rəqib qapısından 4 cavabsız qol keçirib və matçı əlavə vaxtı aparıb. Yeri gəlmişkən, onlar 4-cü qolu 90+8-ci dəqiqədə vurub.

Əlavə vaxtda - 105-ci dəqiqədə meydan sahibləri daha bir qol vurublar. Bu dəfə isə öz qapılarına. “Şeffild”ə ümumi hesabı bərabərləşdirmək üçün daha bir qol lazım olub ki, onlar 108-ci dəqiqədə bunu da həyata keçiriblər - 5:1.

Yekunda qalibi penaltilər seriyası müəyyən olunub. Burada da uğurlu olan (5:3) “Şeffild” finala vəsiqə qazanıb. Bu zaman fanatlar meydana daxil olaraq qələbəni bayram ediblər.

Finalın qalibi yeni mövsümdə Çempionşipdə mübarizə aparacaq.


Son xəbərlər
15.07.24  20:29

"Arsenal"dan "Latsio"ya

15.07.24  18:49

"Atletiko"dan transfer