Üç yeni oyunçu alan "Qarabağ"ın daha bir transfer həmləsi

Üç yeni oyunçu alan "Qarabağ"ın daha bir transfer həmləsi
ÖLKƏ FUTBOLU 27 Yanvar 2023 / 12:31 12993
-  A +

"Qarabağ" bu qış transfer pəncərəsi dönəmində üç yeni oyunçu alsa da, transfer çalışmalarını davam etdirir.

Qol.az-ın əldə etdiyi xəbərə görə, baş məşqçi Qurban Qurbanov nəzərdə tutduğu transferlərin çoxunu həyata keçirə bilib. Konkret olaraq, iki yarımmüdafiəçi (Adama Diakabi və Yassin Benzia) və bir hücumçu (Redon Cica) heyətə cəlb olunub. Onlardan Yassin Benzia bu qış "Krasnodar"a transfer olunan Kadini əvəzləyəcək.

İndi "Qarabağ"ın transfer hədəfində olduğu əsas mövqe qapıdır. Əsas qapıçı Şahruddin Məhəmməliyevin qolu qırıldığı üçün o, ən azı 2 oynamayacaq. Bu səbəbdən futbolçu Konfrans Liqasının pley-off mərhələsində "Gent"lə (Belçika) oyunları buraxmalı olacaq. Ona görə də Ağdam klubunun seleksionerləri hazırda qapıçı axtarışını ciddi şəkildə davam etdirirlər. Yaxın günlərdə "Qarabağ"ın heyətinə qapıçı da cəlb edəcəyi gözlənilir. 

Klub digər mövqelər üzrə də futbolçu axtarışındadır. Amma bu gün üçün təcili transfer hədəfi məhz qapıçının alınması və ya icarəyə götürülməsinə  yönəlib.

Daha çox


Son xəbərlər
01.03.24  13:35

Sarri qovulur?

01.03.24  10:25

ETOPAZ 12 yaşında