Medina yenə sıradan çıxdı - Zədəsi ciddidir

Medina yenə sıradan çıxdı - Zədəsi ciddidir
ÖLKƏ FUTBOLU 7 Dekabr 2022 / 13:44 3617
-  A +

Misli Premyer Liqasının 16-cı turunda “Neftçi” ilə keçirilən oyunda sıradan çıxan “Qarabağ”ın futbolçusu Kevin Medinanın zədəsi ciddidir.

Bu barədə Qol.az-a Ağdam klubunun mətbuat xidmətinin rəhbəri Gündüz Abbaszadə məlumat verib.O, kolumbiyalı müdafiəçinin 4 həftə meydana çıxa bilməyəcəyini bildirib. Əzələsində ikinci dərəcəli yırtıq aşkarlanan futbolçu üçün il erkən başa çatıb. Klub rəsmisi Medinanın qış fasiləsindən sonra komandaya qoşulacağını deyib.

Xatırladaq ki, Medina “Neftçi” ilə oyunun 80-ci dəqiqəsində zədələnərək oyunu davam etdirə bilməyib. Onu Bədavi Hüseynov əvəzləyib.

Əlavə edək ki, Medina bu yay da ciddi zədə almışdı. Bu səbəbdən futbolçu Avropa kuboklarının bir çox vacib matçında komandasına kömək edə bilməmişdi.

Daha çox


Son xəbərlər
04.02.23  20:27

Salah 200-ə çatdı

04.02.23  19:23

"Beşiktaş" uduzdu