14:33
“Mançester Yunayted”in keçmiş futbolçusu Pol Skoulz komandanın yarımmüdafiəçisi Pol Poqbanın oyununu tənqid edib.
Qol.az xəbər verir ki, o, "TalkSport"a açıqlamasında fransalı futbolçunun bacarıqlı olduğunu, ancaq bunu ortaya qoya bilmədiyini deyib:
“O uşaq olanda mən komandada idim. Bu oğlanda yarımmüdafiəçidən istədiyiniz hər şey var. Texnikası, qaçmağı yaxşıdır. Sadəcə, onun futbolçu kimi öyrənmədiyini düşünürəm. Həmişə eyni səhvləri təkrar edir.
Bu, məyusedicidir. Deyəsən, getməyə hazırlaşır. Hara gedəcəksə, məşqçi onu nəzarətə götürəcək və məncə, "Yuventus"da olduğu kimi uğur qazanacaq. “Mançester Yunayted”də nədənsə bu, alınmadı. Onun Fransa millisində necə oynadığını görürsünüz.
İnsanlar onu yanlış qiymətləndirirlər. Yaxşı oğlandır, işləmək, öyrənmək istəyir. Ümid edirəm ki, o, daha da irəli gedəcək və uğur qazanacaq. Biz hamımız bilirik ki, o, dünya səviyyəli oyunçu olmaq qabiliyyətinə və istedadına malikdir”.
Qeyd edək ki, Poqbanın klubu ilə müqaviləsi mövsümün sonuna qədərdir. Daha əvvəl komandanın baş məşqçisi Ralf Ranqnik futbolçunun sözləşməni yeniləmək fikrində olmadığını açıqlayıb.
Messinin 400-cü assisti
Derbilərin tamaşaçı sayı açıqlandı
“Bavariya” mövsümdə ilk dəfə xal itirdi
"Ayntraxt"dan Götze ilə bağlı qərar
Millimiz mübarizəni dayandırdı
Azərbaycan derbilərini idarə edən hakimlər
"Rəqibə qol epizodu vermədik" - Rəşad Sadıqov
"Bilmirəm baş hakim qərarını niyə dəyişdi" - Kurban Berdiyev
Azərbaycan derbisinə doğru: Vərəqələr, penaltilər
