«Neftçi»nin kapitanı Rail Məlikovun Qol.Az saytına müsahibəsi
- Türkiyə ilə oyunda zədələndikdən sonra uzun müddətdir ki, futboldan uzaqsan. Hazırda zədənlə bağlı vəziyyət nə yerdədir?
- Şükür, indi vəziyyət yaxşıdır, komanda ilə məşqlərə başlamışam. Ümid edirəm ki, bir-iki həftədən sonra komandama kömək edə biləcəyəm.
- Növbəti turda “Neftçi” “Qarabağ”la qarşılaşacaq. Son turlarda Ağdam təmsilçisi ardıcıl xal itkiləri ilə üzləşir və bu mənada “Neftçi” ilə qarşılaşma onlar üçün dönüş nöqtəsidir. Səncə, komandanızı necə bir oyun gözləyir?
- Düzdür, “Qarabağ” son oyunlarda nisbətən zəif çıxış edir, ancaq unutmayaq ki, Azərbaycanın ən güclü komandalarından biridir. Onlar meydana yalnız qalib gəlmək üçün çıxacaqlar. Qələbə “Qarabağ”a önəmli olduğu kimi, bizim üçün də vacibdir. “Xəzər Lənkəran”dan bir xal irəlidəyik. Liderliyi əldən verməmək üçün biz də ancaq üç xal qazanmaq üçün mübarizə aparacağıq.
- Flavinyonun zədələnməsindən sonra “Neftçi”nin qol vurmaq mənada problem yaşandığı nəzərə çarpır. Son turda “Qəbələ” ilə qarşılaşma qolsuz başa çatdı. Flavinyonun yoxluğunun komandaya nə dərəcədə təsir etdiyini düşünürsən?
- Təkcə Flavinyo yox, komandanın hər bir futbolçusu önəmlidir və bir nəfərin yoxluğu da mənfi təsirini göstərir. Düzdür, onun yoxluğunda sol cinah əvvəlki oyunlara nisbətən zəif təsir bağışladı. Qaldı ki son turda qol vura bilməmək məsələsinə, özünüz də gördünüz ki, “Qəbələ” bir xal üçün gəlmişdi və sırf müdafiə futbolu oynadı. Əsasən də, ikinci hissə komandamız hücumda daha yaxşı təsir bağışladı. “Qəbələ”nin futbolçuları isə ancaq müdafiə olunurdular və topu hara gəldi vurub uzaqlaşdırırdılar. Nəticədə istədiklərinə nail oldular.
- Yeri gəlmişkən, son zamanlar Flavinyo, daha sonra isə “Simurq”un kapitanı Rasim Ramaldanovun ayağı sındırıldı. Belə söz-söhbətlər gəzir ki, futbolçulara qəsdən zərbə endirilir. Sənin bu məsələyə münasibətin necədir?
- Dəqiq demək olmur ki, qəsdən edilib, ya yox. Ancaq mən də bu söz-söhbətlər barədə eşitmişəm. Hər halda od olmayan yerdən tüstü çıxmaz. Təbii ki, bu, çox mənfi haldır. Futbol elə bir oyundur ki, burada zədənin olmaması mümkün deyil. Ancaq qəsdən rəqibə zərər yetirməyi çox pis qiymətləndirirəm. Futbolçu futbolçunun ayağını bilərək sındırırsa, bu nəinki idmançıya yaraşan hərəkət deyil, heç insanlığa da sığmır. Buna çox pis baxılır. Ümumiyyətlə, kobud mübarizəyə çox üstünlük vermək düzgün deyil.
- Azərbaycan yığma komandası 2010-cu ildə son oyununu Çernoqoriya ilə keçirdi. Bu qarşılaşmada zədə ucbatından çıxış edə bilməməyin komandaya mənfi təsir etdimi? Ümumilikdə, millimizin güclü rəqiblə qarşılaşmada sərgilədiyi oyunu necə qiymətləndirirsən?
- Mənim yoxluğumun komandaya təsir edib- etmədiyi barədə danışmağım düzgün olmazdı. Məncə, bu barədə azarkeşlər daha düzgün qərar verərlər. Qarşılaşma haqqında isə onu deyə bilərəm ki, komandamız yaxşı oynadı. Əsasən də, birinci hissədə rəqibdən daha üstün idik. Ancaq ikinci hissədə buraxdığımız qollarla məğlub olduq. Bu məğlubiyyət məni çox üzdü, çünki millimiz ən azı heç-heçəyə layiq bir oyun oynadı.
- Sənin yoxluğunda “Neftçi”də kapitanlıq Ruslan Abışova tapşırılıb. Səncə, o, bu vəzifənin öhdəsindən nə dərəcədə gəlir?
- Ruslan bizim gənc qardaşımızdır. Mənim fikrimcə, kapitanlığı yüksək səviyyədə yerinə yetirir. Çünki kapitan yalnız meydanda yox, hər yerdə - bazada, komanda daxilində hər hərəkəti ilə örnək olmalı və kapitanlığını hiss etdirməlidir. Ruslan hazırda istər oyun səviyyəsi, istərsə də insanlığı ilə ən yüksək yerdədir. Buna görə də, düşünürəm ki, o, kapitanlıq vəzifəsinin öhdəsindən layiqincə gəlir.
Amma qeyd edim ki, «Neftçi»də mənim yoxluğumda kapitanlığı Elmar Baxşiyev yerinə yetirməliydi. Sadəcə, oynamadığından kapitanlığı Ruslan icra edir.
Qvardiola peşmandır
"Real"ın yeni ağsaqqalı!
31 oyunda 35 qol - Video
"Şəfa"nın "Dinamo"ya qalib gəldiyi oyun - Video
Azərbaycanın iki idmançısı Paris-2024-ə vəsiqə qazandı
"Mançester Yunayted" Reşfordu 70 milyona satmağa hazırdır
"Mbappe ilə finalda qarşılaşsaq, onu əzəcəyəm" - Rudiger
“Şahdağ Qusar” - “Füzuli” matçında 6 qol - Video
"Barselona"da qalmaq qərarımın səbəbi sadədir" - Xavi
"Şəfa" və "Qusar"dan qələbə
“Araz Saatlı”nın məşqçisinə 2 oyunluq cəza
Van Persi Niderland klubu ilə razılığa gəldi
"Barselona" hücumçusunu icarəyə verəcək
PSJ-nin Luis Enrike qərarı
Levandovskidən "Barselona" tarixinin rekordu
"Hamı mənə dəstəkdir" - Musa Qurbanlı
"Fire League"da qrup mərhələsi başa çatdı
Almaniya təmsilçisinin futbolçusu gecə klubunda döyüldü
Azərbaycan U-21 millisi yoldaşlıq oyunu keçirəcək
"İnter" iki futbolçusu ilə müqaviləni uzadır
"Borussiya" - PSJ oyununun hakimləri bilindi
Ronaldo Braziliya klubunu satdı
Acun alacağı yeni klubun adını açıqladı
İdman direktoru baş məşqçi təyin olundu
Yunanıstan mediası Terimin istefaya göndəriləcəyini yazır
Arda: "Real" mənə Modriçin varisi olacağımı dedi"
"Qarabağ" - "Neftçi" oyununun stadionu dəyişdirildi
Rəşad Sadıqovun ittihamı kimlərə yönəlib? - Video
"Mançester Yunayted"də qalacaqlar
"Bavariya" - "Real" oyununu göstərəcək kanallar
Levandovski: "Bu yay "Barselona"dan ayrılmağım mümkün deyil"
Azərbaycan millisinin üzvündən qol ötürməsi - Video
"Lester" çempion oldu
“Barselona”dan əzmkar qələbə
A seriyasında 34-cü tura yekun vuruldu
Cəlalın komandası qələbəni əldən verdi - Video
“Bavariya” – “Real” oyununa hakim təyinatları müəyyənləşdi