01.05.26
Veteran futbolçu, milli komandamızın sabiq üzvü Kamal Quliyevin Qol.az saytına müsahibəsi
- Millimizin Maltaya uduzduğu yoldaşlıq oyunu (0:1) barədə fikirlərinizi bilmək istərdik.
- Meydanda nəsə görə bilərik, bəs nəticə? Bu gün dünyanın hər yerində, Avropanın nəhəng klublarında nəticəyə oynayırlar. Yəni elə oyunlar olur ki, orada keyfiyyət, kombinasiya axtarmırsan, sırf nəticəyə oynayırsan. Lazım gəlsə, vaxtı uzatmalısan ki, nəticə qazanasan. Bizim komandamızın bu nəticəyə çox böyük ehtiyacı var, anlamaq lazımdır. Qələbə ruhuna böyük ehtiyacımız var. Bunların hamısı şərtdir. Bu gün yoldaşlıq oyunları keçirdiyimiz rəqiblərə baxın. Cırtdan dövlətlərin milliləridir. Hamı inkişaf etdi, hətta o cırtdan dövlətlərin komandaları da irəli getdi, amma biz yerimizdə sayırıq. Hamısı gəldi bizi keçdi.
- Nəticənin vacib olduğunu deyirsiniz. Bunu necə əldə etmək olar?
- Onu artıq baş məşqçidən soruşun. Nəticə qazanmağın yolları var. Bunu baş məşqçi özü komandaya aşımalıdır. Komandanı o hazırlamalıdır. Bu gün əlimizdə olan materialımız da budur.
- Demək istəyirsiniz ki, bu futbolçularda artığını bacarmaq olmaz?
- Olar, niyə olmur? Bəlkə də qıraqda qalan futbolçular oldu. Amma onu da demək lazımdır ki, bizdə hazırda futbolçu qıtlığı var. Bunu da unutmayaq.
- Dmitri Nazarov, Eddi İsrafilov kimi milliləşdirilmiş futbolçular uzun fasilədən sonra yenidən yığmaya çağırıldılar və Malta ilə görüşdə çox istəksiz göründülər. Belə futbolçuların yığmaya cəlb olunmasına münasibətiniz necədir?
- Tarixən bizim oynadığımız dövrdə də Eddi kimilər gəldilər və ancaq şəraitlərini düzəltdilər, pul alıb getdilər. Yenə də əziyyət çəkən, iclaslarda danlanan, söyülən biz yerlilər olduq. Ümumiyyətlə, millidə oynamaq üçün pul almaq faciədir. Necə ola bilər ki, AFFA-nın qarşısına şərt qoyasan ki, mənə pul ver gəlim millidə oynayım. Bu, həqiqətən faciədir.
- Millidə oynamaq üçün pul istəyən futbolçunu yığmaya gətirmək də faciədir. Razısınız?
- Elə söhbət ondan gedir. Futbolçunu milliyə gətirənlər də xeyir götürürlər. Yəni pul elə-belə verilmir ona. Camaat çörəyi qulağına yemir. Onlar pul qazanırlar. Nə danışasan, qardaş? Adamın futboldan danışmağı gəlmir. Bir-ikisini çıxmaq şərtilə klublarımız yaman gündə, millimiz yaman gündə… Nə bilim…
- Ən pisi də odur ki, əcnəbi baş məşqçi, əcnəbi oyunçular gətirilsə də, nəticə yenə yoxdur. Bunu özümüzünkülər də edə bilərdi.
- Bizim o qədər istedadlı futbolçularımız var. Bunlar 0:5 uduzurlarsa, qoy onlar 0:10 uduzsunlar, eybi yox. İdmançı uduza-uduza inkişaf edir. AFFA digər Avropa ölkələrinin federasiyaları ilə danışıqlar aparmalıdır. İstedadlı futbolçularımız göndərilməlidir başqa ölkələrə ki, bir neçə ildən sonra oyunçumuz olsun.
- Bu gedişlə yığmamızdan Millətlər Liqasında nəsə gözləmək olar?
- Mən sizdən bir xahiş edirəm, futboldan danışmayaq. Başqa nədən deyirsinizsə danışaq (gülür).
- Neyləmək olar? Bizim də işimiz budur, sizin də.
- Bəli, nə qədər desək də futbol bizim həyatımızdır. Futbolsuz qala bilmərik. Bilmirəm, bundan sonra millimizdə nəyəsə ümid etmək çətin məsələdir.
Ramiq Ağaməmmədov
"Sumqayıt"da itki
"El-Klasiko"nu buraxacaq
"Yuventus"dan ayrılır
İtaliya A seriyasına yüksələn ilk komanda
"Bavariya" 40 yaşlı Noyerlə müqaviləni uzadır
Türkiyə millisi 2 yoxlama oyunu keçirəcək
Spaletti ayın ən yaxşısıdır
Enrike: "Bavariya" qarşılaşdığım ən çətin rəqibdir"
"Real"da baş məşqçi vəzifəsinə daha bir namizəd
Matiçlə yeni müqavilə imzalanacaq
PFL hakim təyinatlarını açıqladı
"Qarabağ"ın futbolçusu üçün mövsüm bitdi
Elvin əvəzedici heyətdə qolu belə vurdu - Yenilənib+Video
"Qarabağ" - "Turan Tovuz" matçının hakimləri açıqlandı
İspan klubu qələbəni Fələstin bayrağı ilə qeyd etdi - Video
AFFA "Qarabağ"ı 8000 manat cərimələdi
Azərbaycan millisi bu dəfə Belarusa qalib gəldi
“Barselona”dan “El Klassiko” üçün xüsusi forma
"İmişli" futbolçusu ilə müqaviləni uzatdı
Füzulidə FİFA-nın dəstəyi ilə festival keçirildi - Şəkillər
İnfantino növbəti seçkilərə də qatılacağını açıqladı
"Fənərbaxça"nın kapitanı futboldan 1 illik uzaqlaşdırıldı
"Mənim lüğətimdə təslim olmaq sözü yoxdur" - Arda Turan
