02.11.24
AFFA-nın Hakimlər Komitəsinin sədri Xaqani Məmmədov «Neftçi» klubunun dünən yaydığı etiraz bəyanatı ilə bağlı açıqlama verib.
Qeyd edək ki, «Muğan»la oyunda braziliyalı futbolçusu Flavinyonun ayağı qırılan «Neftçi» klubunun bəyanatında bildirilir ki, Premyer Liqanın görüşlərində bəzi klubların futbolçuları "Neftçi"nin üzvlərinə qarşı qaydalar çərçivəsindən kənar sərt və kobud oynayırlar: «FİFA-nın hakimlərə tövsiyəsi budur ki, texnikalı futbolçulara qarşı kobudluğun qarşısı dərhal alınmalıdır. Oyunu idarə edən hakimlər də bəzən belə hallara göz yumurlar. Bunun nəticəsidir ki, futbolçularımız zədələnərək, bir müddət yaşıl meydanlardan kənar qalırlar».
Qol.Az-ın müxbiri ilə söhbətində bu bəyanatı normal qarşıladığını deyən X.Məmmədov istənilən klubun öz səviyyəli futbolçularını qorumağa çalışdığını söyləyib: «FİFA-nın 2010-cu illə bağlı şüarı da futbolçuların sağlamlığının qorunması ilə bağlıdır. Biz hakimlərə hər dəfə tövsiyə edirik ki, arxadan rəqibə qarşı zərbələrin qarşısını qətiyyətlə alsınlar, belə hallar baş verərsə, sərt qərar çıxarsınlar. Flavinyonun epizodunda isə «Muğan»ın futbolçusu sadəcə olaraq, top uğrunda mübarizədə uğursuz gediş edib. O, topa yox, ayağa oynayıb. Bunu qəsdən rəqibə xəsarət kimi qiymətləndirmək olmaz. Futbolçu kobud oynayıb».
X.Məmmədov həmin matçda baş verən digər mübahisəli epizod - «Neftçi»nin qapısına penalti təyin olunmaması ilə bağlı «Muğan» klubunun etirazlarına da münasibət bildirib: «Həmin qarşılaşmada iki penalti epizodu var idi. «Muğan»ın qapısına təyin olunan penalti epizodunda Salyan klubunun müdafiəçisi topu bilərəkdən əllə saxlayır və hakim tamamilə haqlı olaraq penalti təyin edir. «Muğan» klubu iddia edir ki, buna bənzər vəziyyətdə «Neftçi»nin də qapısına penalti verilməliydi. Amma hər iki vəziyyəti eyni cür dəyərləndirmək olmaz. FİFA-nın belə mübahisəli məsələlərlə bağlı təlimatı var. Həmin epizodda «Neftçi»nin müdafiəçisinin topa əllə oynamaq fikri olmayıb. Bundan başqa, futbolçular arasında məsafə çox qısa olub. «Muğan»ın hücumçusu topu bilərəkdən müdafiəçinin əlinə vurur. FİFA-nın qaydalarında da deyilir ki, əl ilə oyun futbolçunun topa əli ilə yaxud bilərəkdən toxunmasıdır. Bu epizodda isə, dediyim kimi, «Neftçi»nin müdafiəçisi topa əllə toxunmayıb, top onun əlinə dəyib. FİFA-nın təlimatına əsasən, bu vəziyyətdə penalti təyin edilə bilməz. Bu mənada, hakim Anar Salmanovun qərarı haqlıdır. Sadəcə, həmin epizodda Anar ona etiraz edən «Muğan»ın futbolçusuna sarı vərəqə göstərməliydi».
X.Məmmədov hakimlər tərəfindən «Neftçi»yə dəstək verilməsilə bağlı iddialara da toxunub: «Hansı oyunda «Neftçi»yə kömək olunub? Hələ mövsümün əvvəlindən bəzi klubların, məsələn, «Turan»ın «Neftçi»yə bilərəkdən xal verəcəyi haqda fikirlər səsləndirilirdi. Amma «Turan» nadir komandalardandır ki, paytaxt təmsilçisiylə oyunda xal qazandı. Heç bir hakim «Neftçi»yə kömək etmir və edə də bilməz. Məncə, «Neftçi»nin bugünkü oyunu göstərir ki, bu komandanın hakim köməyinə ehtiyacı yoxdur. «Neftçi» bu gün öz oyunu ilə çempionluğa iddialı 2-3 komandadan biri olduğunu göstərib».
_22.01.19.jpg)
"Barselona" xal itirdi
Rodri stadionda belə qarşılandı - Video
"Neftçi"nin "Zirə" üzərində qələbəsindən - Video
“Neftçi” “Zirə”yə qalib gəldi
Cavid Hüseynov: “Futbolçu kasadlığı yaşayırıq”
"Qarabağ"ın 3 qollu qələbəsindən - Video
Millimizin üzvü oynadı, komandası qələbə qazandı
Ayın ən yaxşı qolunun müəllifi mükafatlandırıldı
"Neftçi" - "Zirə" - Heyətlər
Ançelotti Mbappenin mental durumundan danışdı
Amorim: "Transferlərdə son sözü baş məşqçi deməlidir"
“Qarabağ”ın oyunlarını izləyirəm” - Akinfeyev
"Səbail" - "Qarabağ" : Heyətlər
Qvardiola: "Təsəvvür edin ki..."
"Qarabağ"ın rəqibindən böyükhesablı qələbə
Harri Keyn Bundesliqa rekordu qırdı
Orxan Məmmədov çempionlarla görüşdü - Şəkillər
Kompani narazıdır
Messi: "Barselona üçün çox darıxıram"
PSJ-nin Mbappe ilə bağlı şikayətinə cavab
“Arzulamadığım tək rəqib Türkiyə idi”
"Bayer"in ulduzu zədələndi
"Real" millimizə 4 qol vuran futbolçunu istəyir
Harri Keynin het-triki - Video
Blatter: “Futbol doğru istiqamətə getmir”
"İnter Mayami"nin sahibindən Messi açıqlaması
“Bavariya” liderliyini möhkəmləndirdi
“Monako” 3 xalı 3 qolla qazandı
"Əl Nəsr" mövsümdə ilk dəfə uduzdu
“Traktor” kubokla erkən vidalaşdı
Emrelidən gözəl qol ötürməsi, komandasından məğlubiyyət
"Mançester Yunayted"in növbəti transfer hədəfi
Konor Makqreqora ağır ittiham
Flik gələcəyi haqda danışdı
Qvardiola: "Mançester Siti" 2-ci diviziona göndərilsə..."
