"Ümid edirəm ki, daha 2 il işimi davam etdirə bilərəm" - De Byazi

"Ümid edirəm ki, daha 2 il işimi davam etdirə bilərəm" - De Byazi
ÖLKƏ FUTBOLU 24 Noyabr 2021 / 10:32 2842
-  A +

"Əlbəttə, daha yaxşı nəticələr əldə etmək olardı. Amma sahib olduğunuz oyunçuları, həmçinin mentalitet və münasibətdəki fərqləri başa düşməlisiniz".

Qol.az xəbər verir ki, bu sözləri millimizin baş məşqçisi Canni De Byazi İtaliyanın TMW radiosuna müsahibəsində deyib.

İtalyan mütəxəssis millimizdəki işini  qiymətləndirib. O, AFFA ilə noyabrın 30-da başa çatacaq müqaviləni yeniləməyə hazır olduğunu bildirib: "Bəlkə də işimi davam etdirmək üçün mənə bir az cəsarət lazımdır. Amma hələ nə olacağını bilmirəm. Yaxın günlərdə AFFA rəhbərliyi ilə məsələni müzakirə edəcəyik. Ümid edirəm ki, daha 2 il işimi davam etdirə bilərəm. Mən hazıram. Görək, federasiya hansı qərarı verəcək".

65 yaşlı mütəxəssis Azərbaycanda güləş və boks kimi fərdi idman növlərinə daha çox diqqət yetirildiyini qeyd edib: "Komanda idman növlərində bir qədər geri qalırlar. Ola bilsin, ümumi fəlsəfə yoxdur. Yerli futbolçu sayı az olsa belə, düzgün yanaşma tələb olunur. Azərbaycanda 10 milyon əhali olmasına baxmayaraq, Premyer Liqada cəmi 8 komanda çıxış edir ki, onların da heyətində ən azı 6 legioner var".

 

Daha çox


Son xəbərlər
27.11.21  18:39

"Arsenal"dan qələbə

27.11.21  16:28

"Milan" Teonu saxlayır

27.11.21  11:28

"Milan"da itki