"Qarabağ" da bu problemləri yaşaya bilər"

"Qarabağ" da bu problemləri yaşaya bilər"
ÖLKƏ FUTBOLU 18 Avqust 2021 / 10:35 5317
-  A +

"Qarabağ"ın Konfrans Liqadının pley-off mərhələsindəki rəqibi "Aberdin"in futbolçusu Cey Emmanuel Tomas Ağdam təmsilçisi ilə Bakıda keçirəcəkləri matç haqqında danışıb.

Qol.az dailyrecord.co.uk-a istinadən xəbər verir ki, 31 yaşlı yarımmüdafiəçi səfərdən qələbə ilə qayıdacaqlarına inandığını deyib:

"Biz təzyiq göstərəcəyik. Azərbaycandan yaxşı nəticə ilə qayıtmaq istəyirik. Cütün taleyini elə ilk oyunda həll etməyə çalışacağıq.

Tomas ölkəmizə ilk dəfə gəldiyini vurğulayaraq hava şəraiti ilə əlaqədar səfərin çətin ola biləcəyini bildirib:

"Azərbaycanda oynadığım ilk matç olacaq. İndiyədək heç vaxt oraya getməmişəm. Həmin ölkə ilə bizdə vaxt fərqi var. İsti hava şəraitinə görə çətinliklə üzləşə bilərik. Mümkün olan ən yüksək səviyyədə oynamağa çalışacağıq. İlk səfər oyunu həmişə sizin xeyrinizədir. Bizim yaşaya biləcəyimiz problemləri "Qarabağ" da Şotlandiyaya səfər edərkən yaşaya bilər".

Qeyd edək ki, sabah Tofiq Bəhramov adına Respublika Stadionunda keçiriləcək "Qarabağ" - "Aberdin" görüşü saat 20:00-da başlayacaq. Komandalar arasında cavab oyunu avqustun 26-sı Şotlandiyada olacaq.

Daha çox


Son xəbərlər
10.03.26  16:33

DÇ-2026-nı buraxacaq

10.03.26  10:40

Tarixin 70-cisi

topaz banner