“Qarabağ”ın oyununa satılan bilet sayı

“Qarabağ”ın oyununa satılan bilet sayı
ÖLKƏ FUTBOLU 22 İyul 2021 / 14:41 5014
-  A +

Bu gün Konfrans Liqasının 2-ci təsnifat mərhələsində keçiriləcək "Qarabağ" - "Aşdod" (İsrail) oyununa bilet satışı davam edir.

Bu haqda Qol.az-a Ağdam klubunun Mətbuat xidmətindən bildirilib. Tofiq Bəhramov adına Respublika stadionunda keçiriləcək qarşılaşmaya 8 min bilet satılıb.

Xatırladaq ki, Nazilər Kabinetinin qərarına əsasən, oyunlara stadion tutumunun 50 faizi qədər azarkeş buraxılır. Bu da o deməkdir ki, 30 minlik tutumu olan Tofiq Bəhramov adına Respublika stadionunda uzağı 15 min azarkeş izləyə bilər. Buna görə də matç üçün 15 min bilet satışa çıxarılıb. Qiymətlər sektorlar üzrə 3 manat, 5 manat, 10 manat, 20 manat və 30 manat arasında dəyişir.

Qeyd edək ki, "Qarabağ" - "Aşdod" qarşılaşması saat 20:00-da başlayacaq.

Daha çox


Son xəbərlər
27.03.24  21:58

Keyn sağaldı