19:27
“Neftçi”nin rəqibi olan Tbilisi “Dinamo”su nə nəhəng, nə də kiçik komandadır. Hazırda rəqibin bir üstünlüyü var ki, çempionatları davam edir, hətta yarışın qızğın dönəmidir. "Neftçi" isə hazırlığa təzə başlayıb”.
Bu sözləri Qol.az-a açıqlamasında milli komandamızın sabiq baş məşqçisi Şahin Diniyev deyib.
“Neftçi”nin Çempionlar Liqasınının 1-ci təsnifat mərhələsindəki rəqibi “Dinamo”nu (Tbilisi) dəyərləndirən təcrübəli mütəxəssis şansların bərabər olduğunu qeyd edib. O, əlavə edib ki, yoxlama oyunlarının nəticəsinə görə, “Neftçi”nin “Dinamo” ilə görüşə nə dərəcədə hazır olduğunu bilmək olmaz: “Mən şansları 50/50-yə qiymətləndirərdim. Açığı, "Neftçi"nin yoldaşlıq görüşlərini izləmədim, amma nəticələrdən xəbərdaram. Ümumiyyətlə, yoldaşlıq oyunlarında motivasiya istənilən qədər olmur. Eyni zamanda hazırlıq dövrü olduğu üçün futbolçuların durumu stabil olmur. Adından bəllidir - yoxlama görüşləri. Bu oyunlar bizə ciddi nəsə deməyə imkan vermir”.
Ş.Diniyev SSRİ dönəmindəki "Dinamo” ilə indiki komandanı müqayisə edib: “O vaxtlar "Dinamo” həqiqətən güclü idi. Avropa Kuboklar kubokunu qazanmışdılar. Onları nəhəng komanda sayırdıq. İndiki komanda əvvəlki kimi güclü deyil. Düzdür, gürcü futbolu öz texnikası və sürəti ilə seçilib. Cərimə meydançasında driblinqi ilə seçilir. Bu da onların texniki futbol oynamalarından xəbər verir. "Neftçi" buna hazır olmalıdır. Gürcü komandalarının müdafiədə sürəti aşağıdır. Məncə, bu amildən istifadə etmək olar”.
Qeyd edək ki, “Neftçi” “Dinamo” ilə iyulun 7-də səfərdə, iyulun 14-də isə Bakıda qarşılaşacaq.
"O, böyük sərvət xərclənəcək oyunçu deyil"
Osimheni ağladan təsirli koreoqrafiya - Video
"Sabah"dan qol yağışı - Video
Güləşçimiz erməniyə qalib gələrək bürünc medal qazandı
"Hər iki klub üçün bu mövzu bağlanıb" - Valdas Dambrauskas
"Hələ belə məğlubiyyətlə üzləşməmişdim" - Kaxaber Sxadadze
Fransa klubu qapıçısı ilə müqaviləni yenilədi
"Komandanın öyrəşdiyi sistemi dəyişdirmək asan deyil"
“Sabah” böyükhesablı qələbə qazandı
"Qalatasaray" - "Liverpul" matçının heyətləri açıqlandı
